Rut 2:20 - La'aqtaqa Ñim Lo'onatac 'Enauacna 2013

²⁰ Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Toba del Oeste

²⁰ Qampaja'a joca'li domachiya jena'me jenjo' jañe'me Noemí male enaac: «¡'Noota qom joñe'me Jaliaĝanec Dios yataqachiñe ue'tajop joñe'me! Yataqachiñe onaĝaicaloec queda'me qo'mi yichoĝode'n, ena'am da'me e'tema ca'li jodia'me joote qayaua jo'ne qadoua'. Jetaque nataq'aen am ja'aĝatem queda'me jenjo' jiyaĝaua mach'e ya'yoĝoua, qama'le qoyaje'tem da'me qo'mi netelalo.»

Rut 2:20 Referans Kwoze

2 Samuel 2:5

nache so David ỹamaxalo soua la'aqtaxanaxanaqa so netaña ye Jabés da da'aqtaxanem da la'aqtac somaye, 'eeta': «Ñim Nataxala' qami' taleguete naqa'en qome ca lchoxonnataxanaxa, souaxat da qauaỹamaxachiichiguiñi da qaulayiiñi ye Saúl maye qarataxala'ai co'ollaxa.

Proverbios 17:17

Ca auochaxaua camaye nache 'eetai' da auochaxaua, cha'aye da ivita da qanayeuaigui ca que'eenaxac qalaq camaye 'eeta'am ca nqaỹa.

Levítico 25:25

Qaq da huo'o ca 'oonolec na qarhuo'oi le'ecpi da ivita da choxoraq, nache imen ca lalamaxat na'alhua, nache ishet da anac ca lalamaxat lauo' le'ec da nachaalec camaye da yaqto' desheenaxana que'eca imen camaye co'ollaxa.

Filipenses 4:10

Qaq aỹem ỹataqta huo'o da ñetonaxac So Qarataxala', souaxat da chegoqchigui Somaye da qaltaq aỹem qauennachiỹa'a. Qaq saishet da huo'otaq sheetega da aỹem qaucoviỹa'ai, cha'aye saỹaten da choche qaica ca qardaqa'ai da aỹem qautauañi.

Da na'aqtaguec so Job 19:25

Qalaxaye aỹem saỹaten da ñi ica'alaxaqui nca'altauec, qataq nacheñi ñi nachaateguet qome da nleuaxa ana 'alhua.

2 Samuel 9:1

Qaq huo'o so na'a'q, nache so David denataxaatac, 'eeta': «¿Peta'a huo'o ca no'onañi lca'alaxaic so llalaqpi so Saúl, da yaqto' setauan, souaxat da ỹauotaxanaqtaic so Jonatán?»

Rut 4:14

Qaq huaña nache so 'alpi 'eetego' aso Noemí, 'eeta': Ỹataqta qaỹo'oxoren qome Ñim Nataxala', cha'aye 'am ỹanem nagui ye 'arhual da yaqto' 'am ilo'ogue qome, qaq da le'enaxat yemaye ỹataqta ỹo'oxoraq qome ne'ena Israel.

Rut 4:6

Qaq som lauo' le'ec somaye co'ollaq hua'aqchigui de'era, nache 'enapec: Da nache 'eetec de'era, nache aỹem saishet da sesheenaxana yemaye, cha'aye ishet da na'aqchet da isallaxa, qaq aỹem 'am sasaxalec de'era qana'acnaxac da 'ausheenaxana yemaye.

Rut 2:21

Nache aso Rut maye Moab lashe, 'enapeco': Somaye nataqa'en aỹem 'enapega da nache shecto'ot da salectaigui aso lo'onataxanaxanapi, nache ivitta'a da ime da qanqattac na ala na lañiguishec.

Rut 3:12

Qaq ỹoqta 'eesa da maiche 'am ihuo' lashe, qalaxaye huo'o so lỹa 'arhuo' le'ec maye ỹoqta sa qaỹapeque de'era qana'acnaxac.

Rut 4:4

Qaq sauotaique da 'auaỹaten de'era, cha'aye sa iuena'a da 'anshetaique da 'ausheenaxana, nache hua'aqchigui 'anqa'en ne'enaua nso'ootrañi qataq ne'ena nqueroxonecpi, maye lma' ne'ena huaqta'a't nỹecpi. Cha'aye 'am maye ỹataqta 'am sa qaỹapeque dam qana'acnaxac so Elimelec, ỹoqo'oye iuen da nache 'am da 'ausheenaxana yi'iye 'alhua. Qaq da sa 'aushet da 'ausheenaxana, nache no'on da aỹem 'aua'aqtaxanem yaqto' saỹateeta, cha'aye nache 'am da 'am seca'atalec de'era qana'acnaxac, ỹoqo'oye da sa 'ausheenaxana, nache aỹem sesheenaxana yi'iye 'alhua. Nache som lauo' le'ec somaye 'enapec: Aja', aỹem sesheenaxana.