Rut 2:16 - La'aqtaqa Ñim Lo'onatac 'Enauacna 2013

¹⁶ Qataq maiche qauauo'oi qome ca naañi na ala na qarapoñiguishiqui, da yaqto' natosheguem aramaye. ¡Qalaxaye qauaqaita'a qome, saishet da huo'o ca sa ỹalemaxat!

Toba del Oeste

¹⁶ Nataq'aen yataqachiñe ami jamaĝalo'te da'me 'uo ga'me aueñi 'naqañe nale, qaedi onaĝaic joga'me li'yac, nataq'aen male ena'te 'uo joga'me niquiya'a jana'me.»

Rut 2:16 Referans Kwoze

Romanos 12:13

Qataq qautauañi ca qara'amqaanataxanaxauai da huo'o ca lhuenaxanaxa, qataq ỹataqta qauloỹeeguet ca camachaqca qanamaxasoxoiqui maye chegaqa'a ca qaỹoqta lỹa 'alhua.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Filemón 1:7

'Am ỹaqaỹa Filemón, aỹem ỹataqta samachiguiñi cha'aye huo'o da ỹa'axaỹaxac da qoneta da lta'araic 'arauotaxanaqtaic na qarqaỹañicpi, qataq 'am chegoqchigui da huo'o da la'añaxac da lquiyaqteỹaxac 'enauac na qarqaỹañicpi.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Rut 2:15

Qaq co'ollaq qaltaq ỹe'eguelaxauec aso Rut, da yaqto' natota'aguet na ala so nañiguishec, nache so Booz 'enapega so lo'onataxanaxanecpi, 'eeta': Qauaqaita'a qome aramaye da nataqa'en ỹaconoigui ana naqta da nqat ana ala na cebada. Saishet qome da qauauo'oi la'aloxo.

Rut 2:17

Nache aso Rut, huetalec so lanaxanaqa' so Booz da datoxootac, choche ivitta'a so mashe napalchiguiñi. Qaq co'ollaq nasola so latoc asomaye, nache somaye napactelec so veinte kilos.