Rut 2:15 - La'aqtaqa Ñim Lo'onatac 'Enauacna 2013

¹⁵ Qaq co'ollaq qaltaq ỹe'eguelaxauec aso Rut, da yaqto' natota'aguet na ala so nañiguishec, nache so Booz 'enapega so lo'onataxanaxanecpi, 'eeta': Qauaqaita'a qome aramaye da nataqa'en ỹaconoigui ana naqta da nqat ana ala na cebada. Saishet qome da qauauo'oi la'aloxo.

Toba del Oeste

¹⁵ Yem da'me liqui'yaĝac, Rut male yitaĝa yec'ate'ga di'me nanaĝanaqa' qaedi yacona jena'me 'naqañe jena'me nanec. Male joote qaga, qama'le Booz enaac joca'li dojapegue'to gaa'me lamaĝa's: «'Noota qom jajo'me Rut nataq'aen male ena'am napoc jena'me jenjo' qadanec, ja ja'amaqaten da'me ch'e epetac, 'noota qom yaconoue jena'me jenjo' onaĝaic nanec, nataq'aen ena'te aueloiquiaĝañetac.

Rut 2:15 Referans Kwoze

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Levítico 23:22

Qaq da ivita da qanqache ca ala ca qa'añiguishiqui, nache saishet da ỹataqta qanmacheeta ca ala camaye, qataq saishet da qanatoisheguem cam naañipi. Nacherata da qauaqaita'a da yaqto' nato ca choxoraqpi, qataq na chegaqauecpi. Qaq 'era da ỹa'aqtac, Aỹem Nataxala' maye Qanatamnaxala'ai.»

Rut 2:14

Nache so mashe ivita so laloqo' da nquia'axac, nache so Booz iỹaxana aso Rut, nache 'enapego', 'eeta': 'Aỹala, 'auacona na nauole laỹe, nache 'ilchiiñigui na 'euaxaic qanauoltenaxat. Nache aso Rut nso'ooñi, huaqta'ai' so 'onataxanaxaicpi. Huaña nache so Booz, ỹami' asomaye aso ntoñiguishepi ala na cebada. Nache asomaye deque'etac, choche ivitta'a da icoma', qataq huo'o so lli'iỹoxot.

Rut 2:16

Qataq maiche qauauo'oi qome ca naañi na ala na qarapoñiguishiqui, da yaqto' natosheguem aramaye. ¡Qalaxaye qauaqaita'a qome, saishet da huo'o ca sa ỹalemaxat!

Levítico 19:9

Da ivita ye laloxoqui da qanqache ca ala ca qa'añiguishequi, nache saishet qome da qanmacheeta ca ala, qataq saishet da qavi'iguelaqailec da qanatoi ca no'onañi ala.