Rut 2:14 - La'aqtaqa Ñim Lo'onatac 'Enauacna 2013

¹⁴ Nache so mashe ivita so laloqo' da nquia'axac, nache so Booz iỹaxana aso Rut, nache 'enapego', 'eeta': 'Aỹala, 'auacona na nauole laỹe, nache 'ilchiiñigui na 'euaxaic qanauoltenaxat. Nache aso Rut nso'ooñi, huaqta'ai' so 'onataxanaxaicpi. Huaña nache so Booz, ỹami' asomaye aso ntoñiguishepi ala na cebada. Nache asomaye deque'etac, choche ivitta'a da icoma', qataq huo'o so lli'iỹoxot.

Toba del Oeste

¹⁴ Male deque'tape ñaa'me, qama'le ñe'me Booz yitaĝa yiyaĝana jañe'me Rut qama'le enaac joca'li: «Am enegue, anovitequena, jena'me jenjo' qadiqui'yaĝala'.» Qama'le jañe'me Rut male uetauelo joca'li deque'tape yema gaa'me namaĝa's, male ñe'me Booz naqaeñe ya'uo le'ec joca'li ga'me lecoqui, qama'le deque'etac jañe'me chayovida'a da'me yataqachiñe yono'. Qama'le yataqachiñe matac, nataq'aen maliaĝa 'uo joga'me 'niyoĝot joca'li, qama'le yachi, uenate'ta jaga'me li'yodo.

Rut 2:14 Referans Kwoze

Rut 2:18

Qaq co'ollaq ỹe'eguelaxaua'a so huaqta'a't nỹecpi, nache ỹataqta pa'atañi na lla'ac ala na cebada, nache ỹachaxana aso lachoro. Qataq nqatsheguem som lli'iỹoxot co'ollaq mashe icoma' asomaye, nache ỹanem aso lachoro.

Mateo 14:20

Nache 'enauac somayepi deque'e qataq ivira'a da ỹataqta comaraxaicpi. Qaq soua lapaxaguenataqa co'ollaq laỹona't so ñi'iỹoxot, nache ivi' soua doce no'oxonal maye laỹe' na nallec soua nlaqchiguilo.

Deuteronómio 8:10

Qalaxaye qom mashe qauqui'iitac qataq qami' comaraxaiqa, nache saishet da qaucouaỹa'ai da qaỹa'añiỹot da qana'achecỹaxaqui Ñim Nataxala' maye Qanatamnaxala'ai, souaxat da ỹataqta 'onaxaic yem qami' ỹanema 'alhua.

Isaías 58:7

qataq 'aỹa'anem ca laỹe ca 'oq cam huo'o na lqouaxa, qataq ca qaica ca lma' qalaq 'auaconeguet da naua'a ca 'arma', qataq ca qaica ca logoxot qalaq 'aỹa'anem ca logoxot, qataq saishet da 'axanec da 'autauaatac cam qoneta'am 'arỹa.

Isaías 32:8

Qaq cam no'on da lataxac qalaq ipacchigui da iuennatega da ỹo'ot ca no'on, qaq cam lapaxañi lataxac qalaq nache 'eetai' da quetalec.

Salmos 23:5

Qataq 'auqataxanai' so iquia'axac, ỹauaachigui 'anqa'en na ñepa'aguenaxauapi, qataq 'aucorelec na iqaic so coraxat, qataq ipaxaatapeguelec 'anqa'en aso ỹaquipiaxaqui.

2 Samuel 17:28

Nache somayepi nacheuec so nacanecpi, ỹomaxaquipi, taxaquipi 'alhua, qataq so trigo, cebada, 'ayiiña qataq aso nqachilliguishe ala na nañiguishe habas, qataq lenteja,

1 Samuel 25:18

Nache aso Abigaíl ỹataqta sa ỹaỹaloxon da laỹona't aso doscientos nauole 'ayiiña, qataq soua dos lo'oc maye laỹe' so lataxa, qataq soua cinco qagueta nauole, qataq cuarenta kilos aso ntoñiguishe ala na nañiguishec, qataq cien aso nqaxaỹaqta uva, qataq doscientos aso nauolepi maye lalegue ala ana hiigo nqaxaỹaqta. Nache 'enauac somayepi ỹasaxalec so 'ashenapi.

1 Samuel 17:17

Qaq huo'o so na'a'q, nache so Yesé 'enapega so llalec David, 'eeta': «'Auacoosop qome ca veinte kilos ne'ena trigo maye datoxoic, qataq ana'ana diez nauolepi 'ayiiña, nache sa 'anaỹaloxon qome da 'arougalo caua 'arqaỹa't maye huetrauga yem lanataqa' ca alleppi.

Deuteronómio 11:15

Nataqa'en Ñimaye ỹo'ot qome da ñaxat na 'auaqpi naua no'onaxaye da yaqto' huo'o na aloq na qareloipi, qataq qauqui'iitac nache ỹataqta qami' comaraxaiqa.

Rut 2:13

Nache asomaye 'enapeco': 'Am ỹataxala', 'onaxaico' qome da nache 'eetai' de'era 'arauotaxanaqtaic. Cha'aye naua 'ara'aqtaqa aỹem ỹa'añaqche't, cha'aye aỹem 'ano'onaxatta da aỹem 'autaxaỹa, na'aictaxa da saishet da sheeta'am ana 'aro'onataxanaxanapi.

Rut 2:15

Qaq co'ollaq qaltaq ỹe'eguelaxauec aso Rut, da yaqto' natota'aguet na ala so nañiguishec, nache so Booz 'enapega so lo'onataxanaxanecpi, 'eeta': Qauaqaita'a qome aramaye da nataqa'en ỹaconoigui ana naqta da nqat ana ala na cebada. Saishet qome da qauauo'oi la'aloxo.