Rut 2:13 - La'aqtaqa Ñim Lo'onatac 'Enauacna 2013

¹³ Nache asomaye 'enapeco': 'Am ỹataxala', 'onaxaico' qome da nache 'eetai' de'era 'arauotaxanaqtaic. Cha'aye naua 'ara'aqtaqa aỹem ỹa'añaqche't, cha'aye aỹem 'ano'onaxatta da aỹem 'autaxaỹa, na'aictaxa da saishet da sheeta'am ana 'aro'onataxanaxanapi.

Toba del Oeste

¹³ Qama'le jañe'me Rut male 'yateguet joca'li: «Am jaliaĝanec, yataqachiñe t'adaic joga'me ñegracias am janem. Jayaten da'me am yataqachiñe onaĝaicaloec, nataq'aen ñegracias am janem queda'me yataqachiñe jayem avichoĝoden, mate mane'e ja jayem 'te adamaĝaje.»

Rut 2:13 Referans Kwoze

1 Samuel 1:18

Nache aso Ana 'enapeco': «Ỹataqta qalota da ña'achec.» Ime, nache aso Ana ỹe'eguelaxa som chegoqchiguiña, nache deque'e, qataq nache saishet da ỹe'eguelaxa da daquicotac.

Génesis 34:3

Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

Génesis 33:8

Qaq huaña nache so Esaú denataxan, 'eeta': «¿Negue't cam qonetapeguec som shiguiỹacpi maye ñateetapeeguet?» Nache so Jacob, ỹasateguet somaye, 'eeta': «Qomye sauotaique da chegoqchigui somayepi da aỹem 'auchoxoren.»

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

2 Samuel 16:4

Nache so nta'a David, 'enapeco': Hua', nalotañi, qaq nagui 'am taỹot ñaqa'en 'enauac na lalamaxatpi so Mefiboset. Nache so Sibá, ỹa'aldoto naua l-llecte so nta'a nache 'eeta': ¡'Onaxaictaxa da nache 'eetai' qome de'era 'arqouagaxanaqtaic da sheeta 'am nta'a!

1 Samuel 25:41

Nache asomaye ỹa'alyiñi naua l-llecte, nache iviraxata'aguet na latap na 'alhua, nache 'enapeco': Aỹem maiche aỹem lo'onataxanaxana ca David, qaq aỹem qaica ca shectega, qataq aỹem ỹataqta lleuotta da ishet da seỹoi' naua lapia'ate ca lamaxashecpi camaye da aỹem ỹamaxalec.

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 33:15

Nache so Esaú, 'enapeco': «Hua' ỹaỹamaqchiguiñi, qalaxaye aỹem 'aua'aqta'a da sauo'oi caua 'am ño'onaxata'agueta nam ñalleppi maye ñenaictague'.» Qalaxaye so Jacob, 'enapeco': «¡'A'i, aỹem 'arqouaguec qome! ¡Ta'ainco' ctaxa da aỹem 'auqochetague', ye 'eeso'oya' da mashe aỹem 'auaỹamaxatta!»

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

Jueces 19:3

nache so leviita jec da ỹe'eguena'a asomaye da yaqto' nachoxonnot da ỹe'eguelaxaguet. Qaq somaye lỹatac co'ollaxa so lo'onataxanaxanec, qataq ỹaue'c soua dos 'ashena, qaq asomaye co'ollaq ilo'ot so lhua nache ỹauegueua'a so lma', nache so lta'a nataqa'en ỹa'amaqchiguiñi co'ollaq ilo'ot somaye.

Rut 2:12

¡Qaq Ñim Nataxala', 'am isheeten qome! ¡Ñim Nataxala' maye Natamnaxala' na Israel le'ecpi, maye 'auanaỹa da yaqto' 'am npaxaalec, Ñimaye isheeten qome 'enauac nam 'auo'otpi!

Rut 2:14

Nache so mashe ivita so laloqo' da nquia'axac, nache so Booz iỹaxana aso Rut, nache 'enapego', 'eeta': 'Aỹala, 'auacona na nauole laỹe, nache 'ilchiiñigui na 'euaxaic qanauoltenaxat. Nache aso Rut nso'ooñi, huaqta'ai' so 'onataxanaxaicpi. Huaña nache so Booz, ỹami' asomaye aso ntoñiguishepi ala na cebada. Nache asomaye deque'etac, choche ivitta'a da icoma', qataq huo'o so lli'iỹoxot.

Génesis 32:6

Qaq co'ollaq mashe ñe'eguela'q soua namaxa'she, nache da'aqtaxaarem so Jacob, 'eetra': «Qomi' mashe sachegoxosoqa'a ñi 'arqaỹa Esaú. Qaq namaye mashe 'anacta da 'am nca'ata'aguet, nnaictague' na cuatrocientos nalleppi.»

Oseas 2:16

Qaq huaña qome nache da aỹem detaxaỹa qalaq saishet da 'eeta': «'Am ỹataxala'.» Nacherata da 'eeta': «'Am ihua.» 'Era da ỹa'aqtac Aỹem Nataxala'.