Rut 2:11 - La'aqtaqa Ñim Lo'onatac 'Enauacna 2013

¹¹ Nache so Booz ỹasateguet asomaye, 'eeta': Mashe aỹem qaỹa'aqtaxaatapeguem 'enauac nam 'auo'otecpi aso 'arachoro co'ollaq qaica yem 'arhua, qataq da qoca'aisalo caua 'arta'al, qataq ye 'alhua maye 'arañoqo', nache 'auanac da qomi' qonaiguilo, na'aictaxa da sa qomi' 'arauattonataqa.

Toba del Oeste

¹¹ Male ñe'me Booz yitaĝa 'yateguet joca'li jañe'me: «Joote jayem qo'yaĝatem yema joga'me a'uetapec jañe'me adi'yodo, joda'me yataqachiñe avichoĝoden jañe'me, chiyoqo'ta ca'li yeleu di'me adoua, nataq'aen da'me jayaten da'me oca'e joga'me adayi, nataq'aen oca'e joga'me yataqachiñe at'achaqa', qaedi nayi male qo'mi ouetauelo, jena'me jenjo' aleua jo'ne yataqachiñe qaya'ague, chayovida'a da'me uotaĝa ja qo'mi 'te auateto'n, nataq'aen uotaĝa auenaac ja qo'mi 'te adayi.

Rut 2:11 Referans Kwoze

Lucas 14:33

Ỹoqo'oye camachaqca ca huotaique da ỹapaxaguenatac, nache 'onaxaic da nataqa'en deuennataxaatelec da huo'otaq ishet da ỹañoxot da ỹaxanec 'enauac nam hueto'ot.

Lucas 5:11

Ime, nache ỹaueguetra so loigue soua l-llocta', nache no'onaxatchiguilo 'enauac nam ỹachetacpi, nache ca'atregue So Jesús.

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

Lucas 5:23

Ñaq Aỹem qaua'aqtaxañim: ¿negue't ca ỹoqta saqalaq da qoỹenapec, peta'a da qaỹapalaxa't naua lasouaxashe'ete ne'ena sa no'on, huo'otaq da qanataren?

Rut 1:11

Qalaxaye aso Noemí qaltaq 'enapegalo soomaye, 'eeta': ¡Qami' ỹalole, qavi'iguelaqai qome! ¿Ta'ainco' ye qansheetaique da aỹem qauca'acheegue? Ye aỹem mashe saishet da qaltaq huo'oi caua ỹalqa, da yaqto' qaltaq qauaroñiigueta.

Rut 2:10

Nache aso Rut ỹa'alyiñi naua l-llecte, nache iviraxata'aguet naqa'en na latap na 'alhua, nache inat so Booz, 'eeta': ¿Ta'ainco' da aỹem taalec da 'arauotaxanaqtaic, ye aỹem choche sachegaqauec?

Rut 2:12

¡Qaq Ñim Nataxala', 'am isheeten qome! ¡Ñim Nataxala' maye Natamnaxala' na Israel le'ecpi, maye 'auanaỹa da yaqto' 'am npaxaalec, Ñimaye isheeten qome 'enauac nam 'auo'otpi!

Rut 4:15

Qaq yemaye 'am ỹanem qome da 'ara'añaxac, qataq 'am ilo'ogue qom ỹataqta 'am ỹa'axaino'ole, cha'aye yemaye, llalec asom 'arate maye ỹataqta 'am lauotaqte, maye napacalec da la'amaqchec caua siete 'aỹa'alqa.

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

2 Samuel 21:11

Qaq co'ollaq qaỹa'aqtaxanem so David, da 'eetec aso Rispá maye ỹaqauga co'ollaxa lhua so Saúl,