Rut 2:10 - La'aqtaqa Ñim Lo'onatac 'Enauacna 2013

¹⁰ Nache aso Rut ỹa'alyiñi naua l-llecte, nache iviraxata'aguet naqa'en na latap na 'alhua, nache inat so Booz, 'eeta': ¿Ta'ainco' da aỹem taalec da 'arauotaxanaqtaic, ye aỹem choche sachegaqauec?

Toba del Oeste

¹⁰ Male yem joca'li da'me lojaĝac joñe'me Booz, qama'le jañe'me Rut yataqachiñe yejoidiñe naa'me leliquetel, naqapaĝanoue jena'me aleua, qama'le enaac: «¿Toqoch'e jayem a'uetec jena'me jenjo', da'me yataqachiñe jayem avichoĝoden, qama'le ja 'yachaqa'ena?»

Rut 2:10 Referans Kwoze

1 Samuel 25:23

Nache aso Abigaíl co'ollaq ila'aguet so David, nache huenoteeguesop so lalo 'ashena, nache ỹa'alyiñi naua l-llecte, qataq iviraxata'aguet na latap na 'alhua.

Rut 2:13

Nache asomaye 'enapeco': 'Am ỹataxala', 'onaxaico' qome da nache 'eetai' de'era 'arauotaxanaqtaic. Cha'aye naua 'ara'aqtaqa aỹem ỹa'añaqche't, cha'aye aỹem 'ano'onaxatta da aỹem 'autaxaỹa, na'aictaxa da saishet da sheeta'am ana 'aro'onataxanaxanapi.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Lucas 1:48

Qataq Ñim Lo'onatac 'Enauacna tatelec aỹem da lmeenaxanaxac, aỹem l-lata maye qaica ca ỹa'amaqchec. Qaq nagui nache 'enauac na shiỹaxauapi qom aỹem iỹaxana qalaq, 'eeta': ‹¡María, da lqouagaxanaqtaic Ñim Lo'onatac 'Enauacna 'am huetalec!›

Lucas 1:43

Qaq ¿negue't aỹem da aỹem 'anamaqtega, 'am maye 'am late'e Ñim Ỹataxala'?

2 Samuel 19:28

Qataq aỹem saỹaten da 'enauac so sachegoxoguet ita'alpi, da ỹataqta 'itchiguiñi da qaỹalauat, qataq 'auauaachigui 'am nta'a. Qaq aỹem maye aỹem 'aramaxashec, qalaq aỹem 'aỹaxana co'ollaxa da yaqto' aỹem 'arquia'axaua da 'auque'e. Qaq aỹem ye qaica ca shenec, nache ¿negue'to' taxa ca lỹa seỹaxanaique?

2 Samuel 9:8

Nache so Mefiboset nqollemñi, nache 'eeta': ¿Ta'ainco' da 'aualecteetegueuo ne'ena 'aramaxashec, 'am nta'a, ye aỹem sheeta'am ca pioq leuaxaic?

Mateo 25:35

Cha'aye co'ollaq huo'o na iqouaxa, qalaq Aỹem qaỹa'añim so anoq, qataq co'ollaq huo'o na ỹaquip qalaq Aỹem qaỹa'añim so ỹaquip, qataq co'ollaq sheca'ai ye ỹalamaxat ima', nache qami' Aỹem qauacoñiiguet,

Rut 2:2

Qaq huo'o so na'a'q nache aso Rut, maye Moab lashe, 'enapego' aso Noemí, 'eeta': «Aỹem 'auasheetec qome da sauga ye nanaxanaqa', shapegueto' da huo'o ca aỹem ỹasheetem da choche seca'attaueegue da yaqto' ñatota'aguet na naañi ala na nañiguishec maye qanqattac.» Nache asomaye 'enapeco': «Aja', 'aue, 'am ỹalole.»

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Rut 2:9

qataq 'analoqteeta qome ca hueta'a anam do'onataxaatacpi, yaqto' nache 'auca'attaigui cam dataigue anamayepi. Cha'aye mashe sheetega nam ỹo'onataxanaxanecpi da saishet da 'am sa ỹalemaxat. Qaq da huo'otaq huo'o na 'araquip, nache 'anqo'ona ca netaña aca naquipiaxaquipi nache 'anỹomgui ca 'etaxat, maye nqatsheguem nam ỹamaxashecpi.

Rut 2:11

Nache so Booz ỹasateguet asomaye, 'eeta': Mashe aỹem qaỹa'aqtaxaatapeguem 'enauac nam 'auo'otecpi aso 'arachoro co'ollaq qaica yem 'arhua, qataq da qoca'aisalo caua 'arta'al, qataq ye 'alhua maye 'arañoqo', nache 'auanac da qomi' qonaiguilo, na'aictaxa da sa qomi' 'arauattonataqa.

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Rut 2:19

Nache aso Noemí inattaco' aso late, 'eeta': ¿Chaq hua'ague ca qoueta'ague da 'auo'onataxaatac so na'a'q? Qataq ¿chaq hua'ague cam 'auachegoxota'ague ana qalota 'arato? ¡Ỹataqta huo'o qome da nchoxonnataguec ca shiỹaxaua maye 'am itauan! Nache aso Rut ỹasateguet aso lachoro, 'eeta': Som ỹale maye so'onataxaatacot le'enaxat Booz.

2 Samuel 7:18

Nache so nta'a David, taua'a so lanataqa' Ñim Nataxala', nache 'enapego' Ñimaye, 'eeta': «'Am Nataxala', ¿negue'to' aỹem, qataq na ỹalaqpi da aỹem 'anviraxatta'a ne'ena?