Rut 1:6 - La'aqtaqa Ñim Lo'onatac 'Enauacna 2013

⁶ Qaq huo'o so na'a'q nache aso Noemí, co'ollaq hueta'a ye Moab, nache hua'axaỹapeguelec da Ñim Nataxala' huo'o da lchoxonnataxanaxa so lalamaxat nhuo' Israel le'ecpi, nache vi'iiguet naqa'en se'eso nqouaxa.

Toba del Oeste

⁶ 'Uo jo'me nolo' joca'li jañe'me Noemí domachilegue ñe'me Jaliaĝanec queda'me yitaĝa yichoĝoden di'me noic Israel, qama'le en yem ga'me noqouaĝa jo'ne ueta'ña di'me aleua.

Rut 1:6 Referans Kwoze

Salmos 132:15

Namaye sechoxonnec qome da sa qoue ca nallec, qataq na choxoraqpi maye hueta'a namaye sa qoue ñaqa'en ca aloq.

Salmos 111:5

Ñimaye iquia'axan ca huo'o naq 'enec naqa'en Ñimaye, cha'aye saishet da icoua'ai da naỹamaxataxac co'ollaxa.

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Jeremías 29:10

Ñim Nataxala', 'eeta': ‹Qom ivi' caua setenta vi'iye da qoviita'a ye babilonia, nache Aỹem qami' setaua'n qome, nache sepaqueelec dam sachaxanapec co'ollaxa da qami' ñe'eguelaxatalo nam maiche qarmaye.

Isaías 55:10

Qataq 'eeta'am da 'eetec na auot qataq na 'aỹa da naañi chegaqasheguema na piguem, nache saishet da ỹe'eguelaq, nacherata da ỹapapiaxat ana 'alhua, nache ñaxachigui ana ala qataq ñaxatsheguem naqa'en, da yaqto' huo'o aca lañiguishe cam danaxaatac qataq huo'o ca aloq camaye.

Sofonías 2:7

Qaq cam lca'alaxaicpi qome na nhuo' le'ecpi maye lma' ye Judá, nalec qome yi'iye 'alhua qom anac Ñim Nataxala' maye Natamnaxala' namayepi, da itauan qataq naralaxat da na'achecỹaxac namayepi. Qaq nache hueta'a qome yemaye da ilotague' ana lalo qaguetapi, qaq ye pe qalaq hueta'a qome ye lma' so Ascalón da nmatec.

Salmos 146:7

Ñimaye ỹo'otec da no'on lataxac cam qaica ca nyacnataguec, qataq ỹanem da lquia'axac cam huo'o na lqouaxa. Ñim Nataxala', isouec na ncoñeteguishecpi,

Salmos 145:15

Da lmeenaxanaxac 'enauac namayepi 'am ỹalamaqtot, nache iuatta'a ca laloqo' da 'aỹa'anem ca aloq.

1 Samuel 2:21

Nache Ñim Nataxala' ỹanem da lqouagaxanaqtaic aso Ana, qaq ỹoqo'oye asomaye qaltaq hualaxai. Qaq 'era da 'eetec da aso Ana ivi' tres soua llalqa ỹale't, qataq dos soua 'alo. Qaq Ñim Nataxala', nache nquictasheguem naqa'en so nogotolec Samuel maye qoỹanot Ñimaye.

Génesis 50:25

Ime, nache so José 'enapega so llalaqpi so Israel da ỹan da la'aqtac, da yaqto' ipactelec, nache 'enapega, 'eeta': «Ỹoqta 'eesa qome da anac Ñim Lo'onatac 'Enauacna da qami' itaua'n. Qaq qom ipacchigui damaye nache qami' qauache' qome naua ipi'ineqa.»

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Génesis 21:1

Qaq Ñim Nataxala' ipacchigui co'ollaxa dam la'aqtac, nache qocha'a aso Sara, da yaqto' ipacchigui som la'aqtac maye ỹanem co'ollaxa asomaye,

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

1 Timoteo 6:8

Qaq ỹoqo'oye da huo'o ca qonoq qataq ca qorogoxot, qalaq nacheca ishet da ñetonaqtapeguec.

Salmos 147:14

Ñimaye ỹauo'o da nlagaxayec na 'ana'alhua, qataq 'am iquia'axanec na no'on ala na trigo.

Proverbios 30:8

Ña qaỹoqteuga qome 'anqa'en da sheeta, na saq 'en lataxac qataq na natenataxanaxac, qataq saishet da aỹem sallaxanec 'anqa'en, qataq saishet da ỹoqta aỹem choxoraq 'anqa'en, nacherato' da aỹem 'aỹa'anem qome ca anoq maye ỹoqta seuen ye na'a'q,

Rut 1:5

nache nataqa'en ileu so Majlón qataq so Quelión. Huaña nache aso Noemí nda'a't, cha'aye ileu' soua llalqa qataq so lhua.

Rut 1:7

Huaña co'ollaxa nache asomaye jec da ỹe'eguelaxa ye 'alhua Judá, nache lỹata'ape soua late da quera'ai yi'iye 'alhua maye netraña.

Salmos 102:14

Cha'aye na 'aramaxashecpi ỹataqta ỹauotec nam coma'pi maye mashe nlaguiñi, qataq huo'o da nqui'ic da ilotalec na lsoche namaye.

Joel 2:19

Nache Ñim Nataxala', 'enapec: «Aỹem samaxa qome namayepi na trigo, lataxa qataq na aceite, nache ivitta'a ñaqa'en da ỹataqta comaraxaicpi namayepi, qaq nam ỹotta'a't shiỹaxauapi saishet qome da sashenem da ỹe'eetac namayepi.