Rut 1:22 - La'aqtaqa Ñim Lo'onatac 'Enauacna 2013

²² Qaq 'era da 'eetec co'ollaq ñe'eguelaq aso Noemí, chegoqchiguiña ye Moab, nnaictague' aso late Rut, maye Moab lashe. Qaq co'ollaq nvitra ye Belén, nache mashe qanqattac ana ala na cebada.

Toba del Oeste

²² Qama'le nach'ena jena'me jenjo' 'uo ca'li jañe'me Noemí 'viyelaĝa di'me 'lachaqa', chiyoĝogue di'me Moab, nataq'aen naequetapegue' jañe'me la'yoĝoua Rut jo'ne laje di'me Moab. Male uetedaue joca'li di'me Belén, nalo'taguet ca'li yemta qonaqat jaga'me jala jaga'me nana jo'ne lenaĝat cebada.

Rut 1:22 Referans Kwoze

Rut 2:23

Qaq aso Rut, nache queto'ot da deqataxaatac ỹalectaigui so lo'onataxanaxanapi so Booz, choche ivitta'a da ime da qanqattac na ala so cebada, qataq so trigo. Qalaxaye asomaye nache neto'ot aso lachoro.

2 Samuel 21:9

nache ỹanem so Gabaón le'ecpi, nache somayepi icoñeldashegue'm co'ollaq ỹalauat soomaye, huaña aso qasoxonaxa maye lalamaqte Ñim Nataxala', ỹauaachiguilo Ñimaye da ileu', se'esoua siete shiỹaxau', huetoiguilo co'ollaq cheta'ague da qanqat ana ala na cebada.

Levítico 23:10

«Qonapega qome na Israel le'ecpi da ivita da qaunoxoñeeua'a ye 'alhua maye qami' sanema qome, nache da ivita da qanqache ca ala ca trigo, nache qaroiua'a qome ca ntaxaỹaxanaxanec aca 'oonole hua'auchiguiñi naqta que'eca nqateguishec.

Levítico 23:11

Qaq ca lỹa na'a'q que'eca na'a'q mataxaqui, nache ca ntaxaỹaxanaxanec ỹaasheguem da ỹanot Ñim Nataxala' da nachetaqtaxanaqte, yaqto' qaỹaỹamaxareeta.

Rut 2:6

Nache so ilotague' so deqataxaatacpi 'enapeco': Qomye ara'ara qa'añole nachara aram chegaqa'ague da Moab, aram nnaictague' aso Noemí.