Rut 1:17 - La'aqtaqa Ñim Lo'onatac 'Enauacna 2013

¹⁷ Qataq cam qouaña da 'aleu, nache souaña qome da seleu. Qataq ca huaña da 'am qailayiñi, nache souaña qome da aỹem qailayiñi. Qaq Ñim Nataxala' ỹataqta lta'araic naqa'en qome ca ñeuaxanaguec, da huo'otaq 'am sheca'ai, da saishet da nachera da nleuaxa da qomi' icolaxachiguilo.»

Toba del Oeste

¹⁷ Jeleua'ña joga'me oua'ña jo' qomle nataq'aen nach'ega jo'ne jetaque jayem qoyeji'ña jo' qomle, ga'me ua'ña na'me adapat. Jetaque ñe'me Jaliaĝanec jo'ne yataqachiñe qaya'te nalo'taguet, nach'eñe ya'uo ga'me yachoĝodec qom am joqovinec jena'me jenjo' 'yaqatac. 'Yaqatac laqaya qaya'te qo'mi yecolaĝachiguilo nayi, ¡chayovida'a qom qadoiquiaqa'!»

Rut 1:17 Referans Kwoze

1 Samuel 3:17

Nache so Elí inato' somaye, 'eeta': ¿Ca 'eetec ca 'am ỹanem la'aqtac Ñim Nataxala'? Aỹem 'am ñachoxoreetot da saishet qome da huo'o ca aỹem 'oxocheesop. ¡Cha'aye Ñim Lo'onatac 'Enauacna ỹataqta sansatta qome naqa'en ca 'anhuaxanaguec qom huo'o ca aỹem 'oxocheesop 'enauac na 'am ỹa'axatem Ñimaye!

2 Reyes 6:31

Nache so nta'a 'enapeco': «Ñim Lo'onatac 'Enauacna, ỹataqta lta'araic qome naqa'en ca ñeuaxanaguec, da ne'ena na'a'q saishet da secheguec na lqaic ca Eliseo, maye llalec som Safat.»

1 Reyes 2:23

Huaña, nache so nta'a Salomón ỹanot da la'aqtac Ñim Nataxala', 'eeta': «¡Ñim Lo'onatac 'Enauacna, ỹataqta sa ỹala'ac qome da ỹauo'o ca ñeuaxanaguec, qom saishet da ileu ñaqa'en so Adonías, souaxat de'era lquiquiaxac

2 Samuel 19:13

Nataqa'en qoñiỹapega qome ca Amasa, qoñiita': ¿Saisheto' peta'a da saq maiche 'am ihuo' le'ec? Ỹoqo'oye ne'enaua na'axa'te, 'am sanagui qome da lo'onataxanaxac so Joab, nache 'am lataxala' na ñalleppi. Qaq da sa sepaguelec de'era ỹa'aqtac, nache Ñim Nataxala' ỹataqta lta'araic qome naqa'en ca ñeuaxanaguec.

1 Reyes 20:10

nache so Ben Adad, qaltaq ỹamaxa da la'aqtac so Ajab, 'eeta': «¡Nam atamnaxala'pi, ỹataqta lta'araic naqa'en qome ca ñeuaxanaguec qom no'onañi ñaqa'en ca lta'araic lsoche na Samaria, da yaqto' sanem da ỹache ñi 'oonolec nam aỹem ca'attague'pi catai' nalotagui añi 'oonole napocna!»

1 Samuel 25:22

Nache somaye, 'enapeco': ¡Ñim Lo'onatac 'Enauacna, ỹataqta lta'araic naqa'en ca ñeuaxanaguec, qom sa nmichiguiñi ñaqa'en nagui, huo'otaq qonte' ca nnaictague'pi camaye!»

2 Samuel 3:35

Qaq co'ollaq ime, nache 'enauac so shiỹaxauapi, 'eetega so David da deque'e co'ollaq ñaq saxanaxa da inoxooñi aso nala', qalaxaye so David, ỹan co'ollaxa so la'aqtac, 'eeta': «¡Ñim Nataxala' ỹataqta sa ỹala'ac qom ỹo'ot ca ñeuaxanaguec, qom huo'o ca sachec da ñaq saxanaxa da inoxooñi añi nala'!»

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

1 Reyes 19:2

Nache aso Jezabel ỹamaq so lamaxashec da 'enapega so Elías, 'eeta': «Na atamnaxala'pi ỹataqta aỹem sa ỹala'ac da ỹauo'o ca ñeuaxanaguec qonte', qom ñaq 'eeta'am nagui da saishet da 'am se'enaqteeteguet da qonetec ñi 'oonolec som 'aualauatpi na'aqtaxanaxanecpi.»

2 Samuel 3:9

¡Qaq Ñim Nataxala' ỹauo'o qome ca ñeuaxanaguec da saishet da so'ot da la'aqtac maye ỹachaxanapecot co'ollaxa so David,

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Rut 1:16

Qalaxaye aso Rut 'enapeco': «¡Saishettaxa da aỹem 'avi'eguelaqto'ot da aỹem qonetega da 'am sheca'ai! Cha'aye aỹem, saigue ca 'am 'aigue, qataq sonaña qome cam qonaña. Qaq cam 'arhuo' le'ecpi, nacheca qome ca ihuo' le'ecpi. Qataq ca 'Anatamnaxala', nacheca qome ca Ñatamnaxala'.

Rut 4:15

Qaq yemaye 'am ỹanem qome da 'ara'añaxac, qataq 'am ilo'ogue qom ỹataqta 'am ỹa'axaino'ole, cha'aye yemaye, llalec asom 'arate maye ỹataqta 'am lauotaqte, maye napacalec da la'amaqchec caua siete 'aỹa'alqa.

1 Samuel 14:44

Nache so Saúl, 'enapeco': ¡Ñim Lo'onatac 'Enauacna ỹataqta lta'araic qome naqa'en ca ñeuaxanaguec qom saishet da 'aleu 'am Jonatán!

1 Samuel 20:13

Qalaxaye ñi ita'a, qom qauem ca lhuennataxac da qoneta, qaq Ñim Nataxala' ỹataqta lta'araic qome naqa'en ca ñeuaxanaguec, da saishet da 'am sesoxon da yaqto' 'ananeltaxan. ¡Qaq Ñim Nataxala' ỹataqta 'am itauan qome, 'eeta'am da 'eetec co'ollaq itauaatac ñi ita'a!

2 Samuel 15:21

Nache so Ilay 'enapega co'ollaxa so nta'a, 'eeta': «Aỹem sanot da ỹa'aqtac Ñim Nataxala' qataq 'am nta'a, da que'eca qoueta'a 'am nta'a, da huo'o da nca'alaxa, huo'otaq nleuaxa, qalaxaye ne'ena 'aramaxashec nataqa'en hueta'a qome camaye.»

1 Reyes 13:31

Qaq co'ollaq ime da ilayiñi, nache 'enapegalo soua llalqa, 'eeta': «Qom sevita da seleu, nache qom aỹem qaulayiiñi, nache aỹem qauachiỹaigui añim huachiqui, maye selaroigui yem la'aqtaxanaxanec Ñim Lo'onatac 'Enauacna. Nache caua ipi'ineqa, huaqta'ai'salo qanqa'eñi yemaye,

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,