Rut 1:16 - La'aqtaqa Ñim Lo'onatac 'Enauacna 2013

¹⁶ Qalaxaye aso Rut 'enapeco': «¡Saishettaxa da aỹem 'avi'eguelaqto'ot da aỹem qonetega da 'am sheca'ai! Cha'aye aỹem, saigue ca 'am 'aigue, qataq sonaña qome cam qonaña. Qaq cam 'arhuo' le'ecpi, nacheca qome ca ihuo' le'ecpi. Qataq ca 'Anatamnaxala', nacheca qome ca Ñatamnaxala'.

Toba del Oeste

¹⁶ Qalaĝaja Rut 'yateguet joca'li: «Ena'te jayem a'uetec da'me dojo' qaedi am jeca'e, dite da'me yataqachiñe jayem eja da'me jajoyi ga'me auec'ata, nataq'aen da'me jona'ña joga'me ona'ña. Ga'me mach'e a'naleua nataq'aen jen 'ñaleua, chayovida'a ñe'me Anedios nataq'aen jen Ñedios.

Rut 1:16 Referans Kwoze

2 Samuel 15:21

Nache so Ilay 'enapega co'ollaxa so nta'a, 'eeta': «Aỹem sanot da ỹa'aqtac Ñim Nataxala' qataq 'am nta'a, da que'eca qoueta'a 'am nta'a, da huo'o da nca'alaxa, huo'otaq nleuaxa, qalaxaye ne'ena 'aramaxashec nataqa'en hueta'a qome camaye.»

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

Mateo 8:19

Qaq co'ollaq ivittra, nache anac som 'oonolec nam dapaxaguenataxaatapeguec na lamaxasoxonaxacpi so Moisés, nache nquigueua'a Somaye da 'enapega, 'eeta': –'Am Napaxaguenataxanaq, aỹem 'am seca'ategue, maicheye cam 'auataigue.

Juan 13:37

Nache so Pedro 'enapeco': –'Am Ỹataxala', ¿ta'ainco' ye saishet da 'am seca'ategue nagui? Ye aỹem qaica ca shega da na'aictaxa da 'am saalec da ñachaalataxac.

1 Ts 1:9

Cha'aye 'enauac qana'aqtaxaatapigui dam ỹaỹamaqchiguiñi qarataxaqui co'ollaq qomi' qauacoñiigueta, qataq qana'aqtaxaatapiguilo qami' da 'eetec co'ollaq qaỹa'axañiiñi da qavio'oxoyiñiitac na ne'enaqtacpi maye qanatameetacotpi, nache qauo'onataxañiỹot Ñim Lo'onatac 'Enauacna maye nca'altauec qataq 'eesa.

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Oseas 13:4

Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Josué 24:18

Qataq Ñimaye sauanaqchigui naqa'en da ỹo'orauec 'enauac so nhuo' le'ecpi, qataq so amorreopi maye netaña co'ollaxa ne'ena 'alhua. Qaq ỹoqo'oye qomi' nataqa'en so'onataxanaqot qome Ñim Nataxala', cha'aye Ñim Nataxala', nacheñi Ñim Qanatamnaxala'.»

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Daniel 3:29

Qaq nagui aỹem san da ỹa'aqtac da camachaqca shiỹaxaua da qauem ca la'aqtac, da ỹasaxalec Ñim Natamnaxala' de'eraua nsoxorolqa, nache camaye qaichecapigui qome, qataq qailaxachigui ca lma' nache lapoosheguem qanqa'en qome na coma', qaq saishet da qoỹectega cam chegoxoguet lauo' le'ecpi, huo'otaq cam na'alhua, huo'otaq da ỹaqa'alo naua la'aqtaqa, cha'aye qaica ca lỹa atamnaxala' da ishet da 'eetec de'era da deca'alaqtaxan.»

Rut 1:15

Nache aso Noemí 'enapego' asomaye, 'eeta': Ña 'aula'a aso 'araronaxaua, asomaye ỹe'eguelaxaua'a ye lalamaxat lauo' le'ecpi, qataq ca natamnaxala'pi, qaq 'auca'ategue taxa asomaye.

Rut 1:17

Qataq cam qouaña da 'aleu, nache souaña qome da seleu. Qataq ca huaña da 'am qailayiñi, nache souaña qome da aỹem qailayiñi. Qaq Ñim Nataxala' ỹataqta lta'araic naqa'en qome ca ñeuaxanaguec, da huo'otaq 'am sheca'ai, da saishet da nachera da nleuaxa da qomi' icolaxachiguilo.»

Rut 4:15

Qaq yemaye 'am ỹanem qome da 'ara'añaxac, qataq 'am ilo'ogue qom ỹataqta 'am ỹa'axaino'ole, cha'aye yemaye, llalec asom 'arate maye ỹataqta 'am lauotaqte, maye napacalec da la'amaqchec caua siete 'aỹa'alqa.

Proverbios 17:17

Ca auochaxaua camaye nache 'eetai' da auochaxaua, cha'aye da ivita da qanayeuaigui ca que'eenaxac qalaq camaye 'eeta'am ca nqaỹa.

Rut 2:6

Nache so ilotague' so deqataxaatacpi 'enapeco': Qomye ara'ara qa'añole nachara aram chegaqa'ague da Moab, aram nnaictague' aso Noemí.

Zacarías 8:23

Qaq que'eca na'a'q, na qalota ỹotta'a't shiỹaxauapi maye ỹotta'a't na la'aqtacpi, ỹacootaua'a qome ca lapo' laỹe ñi 'oonolec judío, nache 'enapega 'eeta': ‹¡Qomi' 'aua'aqta'alo da 'am seca'ataxague, cha'aye saỹatenaq da Ñim Lo'onatac 'Enauacna qami' hueta'agueta!›»