Rut 1:14 - La'aqtaqa Ñim Lo'onatac 'Enauacna 2013

¹⁴ Nache soomaye qaltaq ỹe'eguelaxarelec da nỹeeta'ape, huaña nache aso Orfa, napigoxoi' aso lachoro qataq ncoyeguene', qalaxaye aso Rut no'ona'aguet co'ollaxa asomaye.

Toba del Oeste

¹⁴ Qama'le ñaa'me la'yoĝo'u, ca'li yitaĝa domachita jena'me jenjo' qama'le yitaĝa noye'n joca'li. Qama'le ua'aqueda joca'li jañe'me Orfá male nec'ouoq jañe'me li'yodo qama'le ca'e joca'li, 'viyelaĝa di'me mach'e 'naleua. Qalaĝaja jañe'me Rut yataqachiñe ja ca'e joca'li jañe'me li'yodo.

Rut 1:14 Referans Kwoze

Proverbios 18:24

Huo'o ca auochaxaua maye ỹauecta'a da nlaguiñi ca nauochaxaua, qalaxaye huo'o ca auochaxaua maye napacalec da lauotaxanaqtaic ca nqaỹa.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Hebreos 10:39

Sanqot da qana'achec Ñim Lo'onatac 'Enauacna, cha'aye qomi' saishet da shenaqta'am nam ỹaxanec Ñimaye, nache ivira'a da qaỹauo'o ca nhuaxanaguec. Nachaqrata da nacheqomi' maye saconaxaguet da nca'alaxa souaxat da huo'o da qarpi'iỹaxac Ñim Lo'onatac 'Enauacna.

Mateo 19:22

Qalaxaye co'ollaq hua'axaỹa de'era so nsoq nache ỹataqta daquico, cha'aye somaye ỹataqta sallaxanec.

Zacarías 8:23

Qaq que'eca na'a'q, na qalota ỹotta'a't shiỹaxauapi maye ỹotta'a't na la'aqtacpi, ỹacootaua'a qome ca lapo' laỹe ñi 'oonolec judío, nache 'enapega 'eeta': ‹¡Qomi' 'aua'aqta'alo da 'am seca'ataxague, cha'aye saỹatenaq da Ñim Lo'onatac 'Enauacna qami' hueta'agueta!›»

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Proverbios 17:17

Ca auochaxaua camaye nache 'eetai' da auochaxaua, cha'aye da ivita da qanayeuaigui ca que'eenaxac qalaq camaye 'eeta'am ca nqaỹa.

1 Reyes 19:20

Huaña, nache so Eliseo ỹaxanec so lauegaxanaxala'pi, nache nqalgoqta da icaalec so Elías, nache 'enapega, 'eeta': Ñaq aỹem 'auasheetem taxa da ñapigoxoi' ca ita'a qataq aca ỹate'e da secoyegue'n, ime, nache 'am seca'ategue. Nache so Elías 'enapeco': 'Aue qojec, qalaxaye 'auennata'a qome da 'am so'otec.

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Hechos 17:34

qalaxaye huo'o na ỹa'amaqten So Jesús, nache ca'ategue so Pablo. Qaq se'eso da'amqaanataxanpi, nache ỹalectaigui so Dionisio qataq aso Dámaris. Qaq soomaye, nache laỹepi nam ltaxaỹaqa' so Areópago.

Génesis 31:55

Qaq so nte'etom so lỹa na'a'q, nache so Labán ñesheguem, nache napigoxoi' soua laua'alle qataq soua llalel. Qaq ime, nache ỹasaxalec da lchoxonnataxanaxa soomaye, ime, nache ỹe'eguelaxa so na'alhua.

Génesis 31:28

Qataq ivira'a da aỹem sa 'auashenem da ñapigoxoto naua ỹalel qataq naua ihua'alle. ¡Dam 'auo'ot ỹataqta qoneta'am ca qaica ỹaỹaanapec!

Deuteronómio 4:4

qalaxaye 'enauac qami' maye qaualaqaiguet co'ollaxa Ñim Nataxala' maye Qanatamnaxala'ai, ñaq qanca'alleetauec nagui.

Rut 1:13

¿qaq peta'a isheto' da qauacheeta'alo caamaye da ỹe'? ¿Nache qataq qauaroñiigueta? ¿Isheto' peta'a da qauacheeta'alo caamaye da sa qauaroñi? 'A'i, qami' ỹalolel, saishet da nache qoñeetec de'era. Ñim Nataxala' aỹem namaxa na qalota ñeque'eenaxacpi. Qalaxaye ỹapactec qome da ñiqui'ic qom qami' selota'alo da qanqui'ichiñiitac.

Rut 1:15

Nache aso Noemí 'enapego' asomaye, 'eeta': Ña 'aula'a aso 'araronaxaua, asomaye ỹe'eguelaxaua'a ye lalamaxat lauo' le'ecpi, qataq ca natamnaxala'pi, qaq 'auca'ategue taxa asomaye.

2 Samuel 19:39

Qaq nache 'enauac co'ollaxa so shiỹaxauapi qataq so nta'a ỹa'axasoxoolec so tala Jordán. Qaq co'ollaq ime, nache so nta'a ỹanem da no'on la'aqtac, ime nache ncoyeguene' so Barzilay qataq napigoxoi'. Huaña, nache so Barzilay ỹe'eguelaxa so lma'.

Rut 1:7

Huaña co'ollaxa nache asomaye jec da ỹe'eguelaxa ye 'alhua Judá, nache lỹata'ape soua late da quera'ai yi'iye 'alhua maye netraña.

Rut 2:11

Nache so Booz ỹasateguet asomaye, 'eeta': Mashe aỹem qaỹa'aqtaxaatapeguem 'enauac nam 'auo'otecpi aso 'arachoro co'ollaq qaica yem 'arhua, qataq da qoca'aisalo caua 'arta'al, qataq ye 'alhua maye 'arañoqo', nache 'auanac da qomi' qonaiguilo, na'aictaxa da sa qomi' 'arauattonataqa.