Rut 1:12 - La'aqtaqa Ñim Lo'onatac 'Enauacna 2013

¹² Qavi'iguelaqaiua'alo qome caua qarma'achilli'. Cha'aye aỹem mashe aỹem ỹa'axaino'ole da qaltaq she'eguelaxalec da saron, qataq na'aictoxo' da ñaq huo'o da ñaquitaxac da saron, qataq na'aictoxo' da nachena ne'ena pe, da huo'oi caua ỹalqa,

Toba del Oeste

¹² Jamoyi, male a'viyelaqa'y: a'viyelaqayilo gaa'me adet'aldi'. Da'me jayem male yataqachiñe jayem 'yaĝaina', ta'le yitaĝa ja'uo ga'me youa. Ja ch'e ta'le jepetapega ta'le yitaĝa 'uo ga'me jayem nec'ata jena'me jenjo' pi'yaq qaedi en jayem loua, ja naq'aeta qaedi male uo'oe gaa'me yalaqa, qalaĝaja auayachiñe queda'me ja eeta da'me qanejiyaĝauayaĝac.

Rut 1:12 Referans Kwoze

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

1 Timoteo 5:9

Qaq aca lmalate na le'enaxat ana pa'ai, acamaye qandoqteetelec ana mashe ivi' naua sesenta vi'iye da llaxa, qataq 'oonolec naqa'en ca chegoxoguet lhua.

Génesis 38:11

Qaq huaña, nache so Judá 'enapega aso late Tamar, 'eeta': «Qonaña qome ca lma' ca 'arta'a, qaq nache qonetai' qome da 'am pa'ai, nato' qom ivita da ỹe ñi ỹalec Selá.» Qalaxaye so Judá, ye tatapigui lauel da so llalec Selá da nataqa'en ishet da ileu, da 'eeta'ama soua lqaỹa't. Nache aso Tamar jec co'ollaxa da naña so lma' so lta'a.

Rut 1:11

Qalaxaye aso Noemí qaltaq 'enapegalo soomaye, 'eeta': ¡Qami' ỹalole, qavi'iguelaqai qome! ¿Ta'ainco' ye qansheetaique da aỹem qauca'acheegue? Ye aỹem mashe saishet da qaltaq huo'oi caua ỹalqa, da yaqto' qaltaq qauaroñiigueta.

Rut 1:13

¿qaq peta'a isheto' da qauacheeta'alo caamaye da ỹe'? ¿Nache qataq qauaroñiigueta? ¿Isheto' peta'a da qauacheeta'alo caamaye da sa qauaroñi? 'A'i, qami' ỹalolel, saishet da nache qoñeetec de'era. Ñim Nataxala' aỹem namaxa na qalota ñeque'eenaxacpi. Qalaxaye ỹapactec qome da ñiqui'ic qom qami' selota'alo da qanqui'ichiñiitac.