Rut 1:1 - La'aqtaqa Ñim Lo'onatac 'Enauacna 2013

¹ Qaq se'esoua vi'iye co'ollaq ye Israel ñaq ilotague' so nataxala'pi, nache huo'o so nqouaxa 'enauac yi'iye qanayeetaña 'alhua. Huaña nache so ỹale maye lma' ye Belén, yem huaigui ye 'alhua Judá, somaye lache, nqo'ona ye lỹa 'alhua le'enaxat Moab, qaq lỹatac aso lhua Noemí qataq soua dos llalqa.

Toba del Oeste

¹ Ca'li maliaĝa uo'oe jogaa'me jaliaĝanaqa jo'ne nejaliaĝatedelegue di'me aleua jo'ne Israel, nataq'aen uo'oe jaa'me noloqo'ote ca'li yataqachiñe qaya'te qoyalic, yataqachiñe noqouaĝa joca'li yema jodi'me aleua. Qama'le 'uo joca'li ga'me jiyaĝaua jo'ne lenaĝat Elimélec, jo'ne 'lachaqa' di'me Belén, jo'ne 'naleua di'me Judá. Nach'ega jo'ne cada'ac na'ague di'me aleua laqaya jo'ne Moab, qama'le lequiaĝaua ca'li jañe'me loua Noemí, chayovida'alo gaa'me c'oqo'te jo'ne dojolqa,

Rut 1:1 Referans Kwoze

Génesis 12:10

Qaq se'eso na'a'q, huo'o co'ollaxa so lta'araic nqouaxa 'enauac yi'iye 'alhua. Nache so Abram jec, nqo'ona ye Egipto da cara'acolec da naña, cha'aye qaica ca qanallec yem 'alhua maye netaña co'ollaxa.

Génesis 26:1

Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Ezequiel 14:13

Da huo'o ca 'alhua da Aỹem ỹacho'ot ca lasouaxashet, qataq Aỹem saỹalaxaguet, nache Aỹem ñauaxaỹaxaasheguem qome na ihuaq da sauo'o ca nhuaxanaguec, qataq seuotaxanec 'enauac na hueto'ot nallec, nache ñamaxa ca nqouaxa, nache so'ot qome da ileu na shiỹaxauapi qataq na shiguiỹacpi.

Jueces 17:8

Qaq somaye ca'ai co'ollaxa ye Belén da nmitaique ca nma' lỹa da yaqto' naña. Nache quetalec so 'alhuapi maye huaña aye qasoxonaxapi ye Efraín, ivitta'a so lma' so Micaía.

Levítico 26:19

Qataq selaxachigui da qana'amqaanaxaqui, qataq so'ot da qaica ca auot ana 'alhua, qataq qaica ca alaỹaxac.

Génesis 43:1

Qaq som nqouaxa ỹataqta nquictauec co'ollaxa yi'iye 'alhua Canaán.

Amós 4:6

Aỹem, so'ot co'ollaxa da huo'o na nqouaxa 'enauac nam qaralamaxache huaqta'a't nỹecpi, qataq qaica ca aloq ñaqa'en nam qarhuo'oi le'ecpi, qalaxaye ñaqaiyeta qami' saishet da aỹem qañe'eguelaqỹa. Qaq 'era da la'aqtac Ñim Nataxala'.

Salmos 105:16

Nache Ñim Lo'onatac 'Enauacna ỹo'otec na lqouaxa 'enauac so netalec yi'iye 'alhua, qataq nlaxaañi 'enauac na lma'pi so trigo.

Deuteronómio 28:38

Qataq qalota qome aca 'aỹa'aañi ala ca nañiguishecpi qalaxaye saq 'amaqtaq aca 'anqat ala, cha'aye chec aca shiiquioxoipi nache ỹataqta ỹauta.

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Jeremías 14:1

Qaq souaxat so lta'araic lqaxaỹaxa, nache Ñim Nataxala' detaxaỹot so Jeremías nache 'enapega, 'eeta':

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

1 Reyes 18:2

Nache so Elías jec co'ollaxa, nache nqo'oneua'a so Ajab. Qaq ye Samaria, ỹataqta sa la'axaic co'ollaxa so nqouaxa.

Jueces 12:8

Qaq co'ollaq ime da nataxala' so Jefté, nache so Israel le'ecpi datalec so Ibsán, som lma' ye Belén,

2 Samuel 21:1

Qaq nache huetoigui de'era lo'onataxanaxac da nta'a so David, da huo'o co'ollaxa so nqouaxa soua tres vi'iye. Nache so David, inat Ñim Nataxala', qaq Ñim Nataxala' 'enapeco': «Qomye souaxat so Saúl qataq so llalaqpi da ỹalauat co'ollaxa so gabaoniitapi, nache nagui huo'o ne'ena nqouaxa.»

Jueces 17:7

Qaq huo'o co'ollaxa so nsoqolec maye chegoxoguet so lauo' so Leví maye chochaq hueta'a co'ollaxa ye Belén som lma' so maiche lauo' le'ecpi so Judá.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

1 Crónicas 2:51

Salmá, som lta'a so Belén, qataq so Jaref, som lta'a so Bet Gader.

1 Crónicas 2:54

Qaq so llalaqpi so Salmá le'enaxat, Belén, netofatiitapi, Aterot Bet Joab, qataq som laỹepi maye tachiguingui na laiñi so manajatiitapi, soreiitapi,