Proverbios 9:9 - La'aqtaqa Ñim Lo'onatac 'Enauacna 2013

⁹ 'Auapaxaguen ca ỹaanaxanaxaic nache camaye nquiguec da laỹaanec, 'auapaxaguen ca no'on da lataxac yaqto' nquiguec da laỹaanec.

Proverbios 9:9 Referans Kwoze

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

1 Juan 5:13

Shiyiñi de'era da qami' samaxalo, qami' maye qaua'amaqchiñiitac So Llalec Ñim Lo'onatac 'Enauacna, yaqto' qauaỹaañita da qami' huo'o da qarca'alaqai chochaq tatec.

Proverbios 25:12

Qataq 'eeta'am nataqa'en aca chiguishaqte huo'otaq aca nqola maye chegaqaigui na ndota't oro, cam ỹaỹaten da na'axaỹaxana ca la'aqtac ca ỹaanaxanaxaic.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Proverbios 10:14

Ca ỹaanaxanaxaic camaye ỹaỹamaxatteque naua lauattonaxanaxaco, qaq naua la'aqtaqa ca qaica ca ỹaỹaana'a qalaq huo'o da lchec.