Proverbios 9:8 - La'aqtaqa Ñim Lo'onatac 'Enauacna 2013

⁸ Saishet da 'aviraxato'ot ca nogaqaic ten qom 'am nquiỹa, 'aviraxato'ot qome ca ỹaanaxanaxaic yaqto' 'am ỹauotec.

Proverbios 9:8 Referans Kwoze

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Proverbios 13:18

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.

Proverbios 23:9

Saishet qome da 'aua'axaỹaqchetec ca 'ara'aqtac ca qaica ca ỹaỹaanapec, cha'aye camaye ishet da choche ỹe'eeta'ape naua ỹaanaxanaxaiqa 'ara'aqtaqa.

Proverbios 15:12

Ca nogoqtaxanaxaic saishet da ỹauotec ca nlaxanec camaye, qataq saishet da nmittaique da ỹalectaigui na ỹaanaxanaxaicpi.

Mateo 7:6

Saishet qome da qaỹa'añim na pioxoppi cam lalamaxat Ñim Lo'onatac 'Enauacna. Qataq saishet da qauasaqaiua'a aca cos late'epi ca 'otaxat maye no'on. Cha'aye saishet da huo'o ca 'oonolec caamaye da huo'o ca naigui naqa'en camaye, nachaqrata da petapigui, qataq ishet da ivira'a da qami' ina'c.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Proverbios 28:23

Ca ishet da nlaxan ca lỹa camaye ivira'a da huo'o da nauoche, qaq saq 'ena'am ca choche no'onaxa't naua la'aqtaqa.

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

1 Reyes 1:23

nache qaicoyeguen so nta'a, qoỹeeta': «Mashe hueta'a ne'ena da na'aqtaxanaxanec Natán.» Nache somaye co'ollaq ivireua'a so nta'a, nache ỹa'alyiñi naua l-llecte, ivira'aguet naqa'en na latap na 'alhua.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

1 Reyes 1:32

Ime, nache so nta'a David, damaxasoxon da qaiỹaxaneuga so ntaxaỹaxanaxanec Sadoc, qataq so na'aqtaxanaxanec Natán, qataq so Benaías maye llalec so Joyadá. Nache soomaye co'ollaq ivildeua'a so nta'a,

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Proverbios 13:1

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.

Proverbios 19:25

Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.

Isaías 36:21

Qalaxaye soomaye ñe'emaxat, saishet da choche 'oonolec ca la'aqta'c, cha'aye so nta'a 'enapegalo co'ollaxa da saishet da ỹauo'o ca lasataxa'c.

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!