Proverbios 9:6 - La'aqtaqa Ñim Lo'onatac 'Enauacna 2013

⁶ Qaỹa'axañiiuec qome da qane'enaxaqui yaqto' qarca'alleeuec, qataq qoquiigue da llec da naỹaanataxanaxac.

Proverbios 9:6 Referans Kwoze

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Proverbios 4:11

Aỹem 'am sachaxaategue da llec de'era naỹaanec, yaqto' qoquetegue ñaqa'en da no'on ñecỹaxac,

Lucas 13:24

–Qana'añaxache qome da qaunoxoñiiua'a ñim lasom maye saq 'amaqtaq, cha'aye Aỹem shenapec da ỹataqta qalota qome na nshetaique da inoxoneuo, qalaxaye saishet da ỹañoxot.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Hechos 2:40

Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Proverbios 9:11

Aỹem 'am sanem da logoraic da 'anachaalataxac, qataq da qaỹoqtrec naua vi'iye da 'anachaalataxac.

Proverbios 8:35

Cha'aye ca aỹem ỹanata qalaq ỹanata da lca'alaxa, qataq ỹaconeguet da lchoxonnataxanaxa Ñim Nataxala',

Salmos 119:115

Ñaq aỹem qauỹocheelec qome qami' qauemaicpi, cha'aye sauotaique da sepacchiguilo naua lamaxasoxonaxaco Ñim Ñatamnaxala'.

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

Proverbios 10:17

Ca ilotelec ca napaxaguenataxanaxac, camaye quetegue da no'on llec da achaalataxac, qaq ca saỹaconeguet damaye qalaq taỹa'a da deqat.

Proverbios 23:19

'Am ỹalcolec, ỹataqta 'ana'axaỹaxan qome yaqto' 'am ỹaanaxanaxaic, qataq 'alotegue da no'on ñecỹaxac.

Ezequiel 11:20

Qaq huaña qome nache ỹataqta quetegue da lataxac naua iqataxaco, qataq naua ỹamaxasoxonaxaco, qataq ỹataqta ỹo'o't. Qaq namayepi ỹataqta ỹalamaxatpi qome, qaq Aỹem nachaỹem Natamnaxala'.

Ezequiel 37:24

Ñi ỹamaxashec David nacheñita qome da nta'a qataq 'oonolec da ilo'ogue 'enauac namayepi, qaq namayepi qome Aỹem ỹalaxaguet, qataq ipacchigui na iqataxacpi qataq na ỹamaxasoxonaxacpi.