Proverbios 9:5 - La'aqtaqa Ñim Lo'onatac 'Enauacna 2013

⁵ «Qauanaqui da sacheguenaq na anoq, qataq qanỹomiigui na no'on lataxa maye seqataxaatai'.»

Proverbios 9:5 Referans Kwoze

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Proverbios 9:17

«Ca ncachaxat 'etaxat ỹataqta ama, qataq ca nallec maye qoỹoxottañi da qanallec camaye ỹataqta huesotta da lamaic.»

Proverbios 9:2

Ime, nache ỹalauat so na'atetpi da yaqto' ỹo'ot so lquia'axac qataq ỹauo'o so no'on lataxa, nache ỹaỹamaxaañi so lquia'axala',

Salmos 22:29

Qaq ỹa'aroto naua l-llecte qataq natamnot Ñimaye 'enauac na qaica ca iuena'a, qataq 'enauac na taỹa'a da ỹe'eguelaxaigui ana 'alhua, cha'aye namayepi saishet da maiche ỹo'ot da qaỹoqtec da lca'alaxa.

Salmos 22:26

Qaq deque'e qome na choxoraqpi nache ivitta'a da comaraxaicpi, qataq ỹo'oxoren qome Ñim Nataxala' na nmittaique Ñimaye, huaña nache qaỹoqtrec naua vi'iye da nachaalataxac.