Proverbios 9:4 - La'aqtaqa Ñim Lo'onatac 'Enauacna 2013

⁴ «¡Qauanaỹeecna'a qami' nsoxoppi 'enaqaicpi!» Qataq ỹamaxa so la'aqtac so qaica ca ỹaỹaanapec, 'eeta':

Proverbios 9:4 Referans Kwoze

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Proverbios 9:16

«¡Ña qauanaỹeecna'a qami' nsoxoppi maye qaica ca qauaỹaañi!» Qataq ỹanem da la'aqtac na qaica ca ỹaỹaana'a, 'eeta':

Proverbios 8:5

Qami' nsoxoppi maye qaica ca qauaỹaañiỹa'a, qanapaxagueñiỹa qome da sa qanqalaache, qataq qami' 'enaqaiqa qanapaxagueñiỹa qome da qami' huattonaxanaxaiqa!

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Salmos 119:130

Cha'aye da qaỹa'axatte' naua 'ara'aqtaqa nache ỹo'ot da yo'oqchiguiñi, qataq ỹanem da lauattonaxanaxac ca huesota da lataxac.

Salmos 19:7

Naua lqataxaco Ñim Nataxala' ỹataqta ỹaỹamaqchiyiñi, cha'aye ỹan da dalaxaic achaalataxac. Da lamaxasoxonaxac Ñim Nataxala' ỹataqta saishet da nqochen, cha'aye damaye ỹo'ot da ỹaanaxanaxaic ca shiỹaxaua huesota da lataxac.

Proverbios 7:7

nache selota'a so nsoxoppi maye qaica ca ỹaỹaana'a, qaq somayepi huo'o so 'oonolec ỹataqta qaica ca ỹaỹaana'a.

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.