Proverbios 8:8 - La'aqtaqa Ñim Lo'onatac 'Enauacna 2013

⁸ 'Enauaque naua ỹa'aqtaqa ỹataqta ỹaỹamaqchiyiñi, namayepi saishet da ỹalectaigui ca saq 'en.

Proverbios 8:8 Referans Kwoze

Juan 7:46

Nache soua huataxanaq lashe' 'ena'apo': –¡Ỹataqta sa ỹauano' da huo'o ca 'eeta'am da ltaxaỹaxac de'era ỹale!

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Salmos 12:6

Naua la'aqtaqa Ñim Nataxala' ỹataqta qui'itte', 'eeta'ama na ỹataqta no'on nda'a't lcat plata, maye siete da qaỹe'eguelaxaalec da qanqatel da yaqto' qui'itta.

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Isaías 45:23

Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac

Deuteronómio 32:5

Qami' shiỹaxauapi qauemaicpi qataq 'etaxaloxoicpi maye qaunogoqchichi Ñim Lo'onatac 'Enauacna, Ñimaye qami' da'agueleguete, nache saishet da qami' llalaqpi, cha'aye qami' qauemaicpi qataq 'etaxaloxoicpi.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Proverbios 2:15

qataq quetague' so nqa'aic namaqtapigui, qataq dasheueeguesop so ỹaỹamaqchiguiñi nqa'aic.

Proverbios 4:2

Aỹem, qami' sanema na ỹataqta no'on ỹapaxaguenataxanaxacpi, qaq saishet qome da qoquiỹa'ai ne'ena iqataxacpi.

Proverbios 14:6

Ca nogoqtaxanaxaic qalaq nmittaique da naỹaanec qalaxaye saishet da ỹanata, qaq ca ỹaanataxanaxaic qalaq qaica ca lqalaic da ỹanata da naỹaanec.