Proverbios 8:7 - La'aqtaqa Ñim Lo'onatac 'Enauacna 2013

⁷ Cha'aye de'era shenapec damaye ỹataqta 'eesa, aỹem sa saỹamaxaren da ñasaxauec ca saq'en.

Proverbios 8:7 Referans Kwoze

Salmos 37:30

Na no'on da lataxac da detaqa, qalaq ỹaanaxanaxaiqa naua la'aqtaqa, qataq ỹaỹamaqchiyiñi naua la'aqtaqa.

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Juan 17:17

Qaq 'auỹotaugalo qome naamaye, 'auachegoxotchigui dam 'eesa lataxac; dam 'ara'aqtac maye ỹataqta 'eesa.

Proverbios 12:22

Ñim Nataxala' ỹataqta ỹaỹemec na shepecaicpi, qalaxaye ỹaỹamaxareeta na ỹo'ottac na 'eesa lataxac.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.

Da na'aqtaguec so Job 36:4

Cha'aye aỹem saishet da saq'en ca shenapec, ỹoqo'oye, nagui 'am datato'ot na ỹoqta 'eesa ỹaanaxanaxaic.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Proverbios 16:12

Na nta'alpi qalaq sa ỹaỹamaxaren na qauem qaỹo'otpi, cha'aye da lo'onataxanaxac da nta'a na'attalec da nalochiguiñi lataxac.

Romanos 15:8

Cha'aye So Cristo anac da huapegue' nam judiopi, da yaqto' ỹachaxan da Ñim Lo'onatac 'Enauacna ỹataqta ipacchigui 'enauac nam ỹachaxanapeguempi som hua'au qarta'alpi.