Proverbios 8:3 - La'aqtaqa Ñim Lo'onatac 'Enauacna 2013

³ nache ỹo'ot da qaỹa'axaỹa da lavilỹaxac da naloteuga ca lasom, ca ñegueuo maye taỹaua'a ca huaqta'a't nỹecpi, 'eeta':

Proverbios 8:3 Referans Kwoze

Da na'aqtaguec so Job 29:7

qataq co'ollaq ñeso'ootaña naxa ye huaña da qoỹan da nqataxac, qataq da ñeso'ootaña ye naponqa' maye huaigui na huaqta'a't nỹecpi.

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Mateo 22:9

Qaq ỹoqo'oye qoqui qome, qoquiiguelo naua lta'al nqa'aico. Nache qaucoyiguiñi 'enauac cam qanateñiỹa'aguet da yaqto' naua'a da naronaxac.›

Proverbios 8:4

«Qami' shiỹaxauapi, 'enauac da qoñiita qami' ỹalamaxatchiguilo naua ỹa'aqtaqa.

Proverbios 1:21

Da deỹaxa'n naua na'aqtaqa qalaq huañalo naua naponaqa'ate, naua ñeguereuo na huaqta'a't nỹecpi nache huaña da qaỹa'axaỹa, 'eeta':