Proverbios 8:23 - La'aqtaqa Ñim Lo'onatac 'Enauacna 2013

²³ Aỹem la'auaxanec da aỹem ỹo'ot co'ollaq cheta'ague da ỹo'ot 'enauacna, co'ollaq saxanaxa da ỹo'ot ana 'alhua.

Proverbios 8:23 Referans Kwoze

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Salmos 2:6

«Mashe sogote da sauo'o ñi nta'a da ilo'ogue añi Sión, añim qui'itta ñeqasoxonaxa.»

Génesis 1:26

Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi.

Juan 17:5

Qaq nagui, 'am Ita'a, ñeshetaique da sootaua'a na 'araỹe, da Aỹem 'aỹa'anem da ỹo'oxoyec maye saatañi co'ollaq 'am sooto'ot co'ollaq saxanaqaca ana 'alhua.

Juan 1:1

Co'ollaq saxanaxa da qaỹo'ot 'enauacna, qaq nale'ena da huo'o So Na'aqtac. Qaq se'eso Na'aqtac hueta'aguet Ñim Lo'onatac 'Enauacna, qaq So Na'aqtac nacheñi Ñim Lo'onatac 'Enauacna.

Proverbios 4:7

'Aua'auaxaañi qome da 'auaconeguet da naỹaanec, qataq ỹactec 'anqa'en da 'auaconeguet da naỹaanataxanaxac.

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.