Proverbios 8:21 - La'aqtaqa Ñim Lo'onatac 'Enauacna 2013

²¹ Ca aỹem ỹauotec qalaq sanem ca lalamaxat, qataq ñelaxatchigui ca lma' da lsallaxa.

Proverbios 8:21 Referans Kwoze

1 Pedro 1:4

qataq qomi' ỹanema 'enauac nam qomi' ỹachaxanapecoto maye iqataxaatai' hueta'ague da piguem. Qaq cam qomi' ỹachaxanapecoto, camaye saishet da ishet nlaguiñi, qataq saishet da nshepaxan, qataq saishet da deqaqa da 'ena'am aca huoue.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Proverbios 24:4

qataq chegoqchigui da nauattonaxanaxac da qaiỹoxoigui ca nỹec na no'on nogoxoshetpi maye ỹataqta huo'o da lyac.

Génesis 15:14

Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Hebreos 10:34

Nataqa'en ỹataqta huo'o da qarchoxonnataxanaqai nam ncoñeteguishecpi, qataq ỹataqta huo'o da qantonaxaqui souaxat da qauaqaita'a da na nta'alpi deuotaxanec na qaralamaxache, cha'aye qami' qauaỹaañita da qami' taleguete qome cam hueta'ague da piguem maye ỹactec da lyac qataq qaica ca loga't.

Proverbios 1:13

Yaqto' ishet da ỹataqta qomi' sallaxanaqa, ỹataqta ñelaxataqchiguilo qome naua qarma'ate ca qarcachaxatpi.

Salmos 16:11

Qataq aỹem 'auachaxana da llec da achaalataxac, qataq aỹem nlaqchigui 'anqa'en da ñetonaxac da 'am soota'aguet qataq nache 'eetai' da ỹamaicỹaxac da soota'ague na 'oic.

1 Samuel 2:8

Ñim Lo'onatac 'Enauacna nachaalataxaañi cam choxoraq maye huetaiya', qataq nqateeguesop ca lasoguiñi cam deuenaxaatapigui', da yaqto' nso'ona'ai' naqa'en na 'amaqtaqaic shiỹaxauapi, nache ỹanagui cam lo'onataxanaxac maye huo'o da llo'oxoyec, cha'aye Ñim Nataxala' nacheñi ñim ỹo'o't co'ollaxa soua nlletrañi ana 'alhua, qaq nache ỹanaleguete da yaqto' na'atchiguiñi naqa'en ana 'alhua.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Proverbios 8:18

Aỹem hueto'ot da nsallaxa qataq da ño'oxoyec, qataq da na'amaqchec qataq da qaica ca qaiueetac.

Proverbios 6:31

qaq da qaỹauanalec da decachetac, nache camaye iuen da siete da ỹe'eguelaxalec da isheeten ca lcachaxat, qataq ivira'a da ỹanec 'enauac ca lalamaxatpi.

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Proverbios 15:6

Ỹataqta qaica ca iueetac ca lma' ca ỹale maye no'on da lataxac, qaq na laueguecpi na qauemaic qalaq qalota naqa'en da cotaxac.

Proverbios 21:20

Ca lma' ca ỹaanaxanaxaic qalaq huo'o da nsallaxa, qataq huo'o na coraxat ama na laita qaq ca qaica ca ỹaỹaanapec qalaq nda'a't da imetaxateuo 'enauac na hueto'ot.