Proverbios 8:18 - La'aqtaqa Ñim Lo'onatac 'Enauacna 2013

¹⁸ Aỹem hueto'ot da nsallaxa qataq da ño'oxoyec, qataq da na'amaqchec qataq da qaica ca qaiueetac.

Proverbios 8:18 Referans Kwoze

Proverbios 3:16

Na aloiguishec lhuaq ỹan da logoraic achaalataxac, na ne'emaxashec lhuaq qalaq ỹan da nsallaxa qataq da ño'oxoyec.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Filipenses 4:19

Qaq Ñim Ita'a maye Lo'onatac 'Enauacna, qami' ỹanema qome 'enauac cam qaviñiitaique ỹachegoxotchigui dam qaica ca 'ena'am lsallaxa, qataq da llo'oxoyec maye hueto'ot So Cristo Jesús.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Salmos 112:3

Naua lma'ate qalaq chochaq huañi da lsallaxa, qaq da lqouagaxanaqtaic nache queta.

Salmos 36:6

Qataq da nalochiguiñi 'arataxac, 'eeta'am ana qaỹoqotcheguemec qasoxonaxapi, qataq naua 'alapaxayiñi lataxaco 'eeta'ama aso auaxai late'erai maye qaỹoqchiguingui. Qataq ỹataqta 'antela'a na shiỹaxauapi qataq na shiguiỹacpi 'Am Nataxala'.

Proverbios 24:4

qataq chegoqchigui da nauattonaxanaxac da qaiỹoxoigui ca nỹec na no'on nogoxoshetpi maye ỹataqta huo'o da lyac.