Proverbios 8:13 - La'aqtaqa Ñim Lo'onatac 'Enauacna 2013

¹³ Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 8:13 Referans Kwoze

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Salmos 97:10

Ñim Nataxala', ỹauotec nam saisheteguet na qauem, qataq mpaxattalec nam ỹataqta ỹalaxaguet Ñimaye, qataq ỹeltaxaneguet da lhuaqỹaxac nam qauemaicpi.

1 Samuel 2:3

Qaica qome ca na'amaqten da detaqa, qaica qome ca ỹagaqnauec da ño'oxonnaxac, cha'aye nacheñita Ñim Nataxala' ñi ỹaỹaten 'enauacna, qataq nacheñi ñi naloqna't, qataq nmit na ỹo'otpi ca shiỹaxaua.

Proverbios 4:24

'Avito'o' qome da qonapec ca saq'en, qataq 'axanec qome da natenataxanaxac.

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Salmos 119:128

Ỹoqo'oye ỹataqta sauoteque naua 'aramaxasoxonaxaco, qaq ỹoqo'oye sa sesheteguet 'enauac da ñecỹaxac maye saq 'en.

Proverbios 16:18

Da 'amqaanaxac, nca'atalec da nlaguiñi naqa'en ca qaỹo'ot, qataq da ime da pagaqaanaxac nache qataq anac da que'eenaxac.

Proverbios 6:12

Cam qauemaic qataq 'etaxaloxoic, camaye ỹa'axattac na shepegaxanaxacpi,

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Zacarías 8:17

saishet da qauennacheetega da qauo'ochec ca qauem ca qarỹai, qataq saishet da saq'en ca qaỹa'añi qara'aqtaqui. Cha'aye aỹem ỹataqta seqaiga 'enauac de'era. Qaq 'era da ỹa'aqtac Aỹem Nataxala'.»

Salmos 138:6

Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.

Salmos 101:3

Saishet qome da selotagui ca sa ỹaỹamaxañi lataxac. Aỹem sa seuooneguet na sa ỹalaq, saishet da ñasheeteguet da aỹem naua'a.

Proverbios 10:31

Naua la'aqtaqa ca no'on da lataxac qalaq chegaqaiguilo da naỹaanec, qaq ca qauema naua la'aqtaqa qalaq taỹa'a da qaicheguec na lachaxat.

Salmos 119:104

Naua 'aramaxasoxonaxaco nache sachegoxotaiguilo da ỹaỹaanataxanaxac, ỹoqo'oye ỹataqta saỹemec da llecỹaxac da natenataxanaxac.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Proverbios 15:9

Ñim Nataxala' saisheteguet da qauem lataxac na qauemaicpi, qalaxaye ỹauotec ca quegue da nalochiguiñi lataxac.

Isaías 13:11

Qaq Ñim Nataxala' 'eeta': «Sauo'o qome ca nhuaxanaguec na shiỹaxauapi souaxat nam qauem maye ỹo'ottac, qataq nam qauemaicpi souaxat da lalaataxanaxac. Imeuo ñaqa'en da napagaqaanaxac na ño'oxonnaxaicpi, qataq qaica ñaqa'en ca la'amaqchec na na'amqaanaxaicpi qataq nam qaica ca iren.

Éxodo 1:17

Qalaxaye aso Sifra, qataq aso Púa, ỹataqta huo'o da lcolanaqa' Ñim Lo'onatac 'Enauacna, ỹoqo'oye saishet da ỹo'o't da lamaxasoxonaxac so nta'a maye ilotague' ye Egipto. Nachaqrata da nca'altauec naqa'en da ñiguiñi na ỹale.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»