Proverbios 8:12 - La'aqtaqa Ñim Lo'onatac 'Enauacna 2013

¹² «Aỹem naỹaanec, nache soota'aguet da naỹaanataxanaxac, qataq aỹem hueto'ot da nauattonaxanaxac qataq da nqataxac.

Proverbios 8:12 Referans Kwoze

Isaías 28:26

Cha'aye Ñim Lo'onatac 'Enauacna nacheñi ñim ỹapaxaguenec dam 'eetec da lataxac da ỹo'ot.

Éxodo 35:30

So Moisés 'enapega so Israel le'ecpi 'eeta': «Ña qauloỹa nagui, da na nhuo' le'ecpi maye chegoxoguet so Judá, Ñim Nataxala' lca'aua'a ñi Besalel maye llalec so Uri qataq laual so Hur,

Romanos 11:33

¡Ñim Lo'onatac 'Enauacna ỹataqta lta'araic da lsallaxa! ¡Da laỹaanec qataq da lauattonaxanaxac ỹataqta saishet da qaivi' da qanaloqten! Qaica ca ishet da ỹaỹate'n naua lhuennataxaco, qataq qaica ca ishet da ỹa'axat nam ỹo'otpi.

Proverbios 1:4

yaqto' sa nqalat qanqa'en na nsoxoppi maye saxanaqca ca ỹaỹaten, qataq qoỹanem da lauattonaxanaxac qataq nlotec.

Colosenses 2:3

Cha'aye Somaye nacheso so imatta't 'enauac na ỹotta'a't naỹaaneguesat qataq na nauattonaxanaxacpi maye chochaq huañi.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

1 Crónicas 28:19

Nache so David, 'enapeco': «'Enauac ne'ena nanettañepi, aỹem ỹachaxana co'ollaxa Ñim Nataxala' da yaqto' saỹaten da lataxac da no'onataguec qome que'eca no'onatacpi.»

Efesios 3:10

Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

2 Crónicas 13:14

Qaq so Judá le'ecpi, co'ollaq ỹamata'ague da pa'aỹa'ague da l-laq, nache nanoma da na Israel le'ecpi chegaqa'ague dam dataỹa'ague qataq da l-laq da iloquiaxan somayepi. Huaña nache iỹaxanot Ñim Nataxala', qataq so ntaxaỹaxanaxanecpi ỹashiiyigui aso nasheerepi.

1 Reyes 7:14

som llalec aso 'alo pa'ai maye chegoxoguet so Neftalí, qaq so lta'a somaye maiche lma' co'ollaxa ye Tiro som ỹataqta ỹaỹaten co'ollaxa da ỹo'ot na lcat bronce. Qaq so Jirán ỹataqta sa nqalat qataq ỹaanataxanaxaic, qataq ỹaỹaten 'enauac na lataxacpi da ỹo'ot na lcat bronce, ỹoqo'oye somaye nqo'ona co'ollaxa so nta'a Salomón, nache ỹo'ot 'enauac nam no'onatacpi maye qaỹamaxalec somaye.

1 Crónicas 28:12

Qataq nataqa'en ỹanem asom huetalec 'enauac nam lapaxañi lataxacpi da qaỹo'ot so nqasoxoc aso atamnaxaqui, qataq so nanataxaquipi maye coleesop asomaye, qataq aso laỹe' ana anom, qataq so naỹamaqtaxanaqa'pi da qaỹaỹamaxat anam nachetaqtaxanaqtepi sa qaishetapec,

Proverbios 8:5

Qami' nsoxoppi maye qaica ca qauaỹaañiỹa'a, qanapaxagueñiỹa qome da sa qanqalaache, qataq qami' 'enaqaiqa qanapaxagueñiỹa qome da qami' huattonaxanaxaiqa!