Proverbios 8:11 - La'aqtaqa Ñim Lo'onatac 'Enauacna 2013

¹¹ Da naỹaanec napacalec da lyacỹaxac ca no'on coma', qataq saishet da qanaloqneguet ca ỹaguec da qanqopita.

Proverbios 8:11 Referans Kwoze

Salmos 119:127

Ỹoqo'oye aỹem ỹataqta sauoteque naua 'aramaxasoxonaxaco, napacalec ñaqa'en da lyac ca ỹataqta no'on oro.

Salmos 19:10

qataq ỹataqta napacalec da lashiichiỹaxac ca no'on oro, qataq ỹataqta napacalec da lamaic na te'esaq lli'i maye huetagui ca lte'.

Mateo 16:26

Cha'aye ¿negue't cam ỹachegoxotaigui ca shiỹaxaua da huo'otaq imatta't da nauec 'enauac nam huetalec ana 'alhua, qaq da nachaalataxac deqat? Qataq ¿chaq negue'to' ca ỹan da ñe'eguelaxaala't da nachaalataxac?

Proverbios 16:16

Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

Proverbios 20:15

Huo'o na oro qataq qalota na ỹataqta 'onaxaic coma', qalaxaye ỹataqta ỹactec da lyacỹaxac naua la'aqtaqa da detaqa ca ỹaanaxanaxaic,

Salmos 119:72

Cha'aye aỹem, ỹactec ñaqa'en da no'o'n naua 'arqataxaco, qaq napacalec aca qalota anom oro qataq plata.

Salmos 119:103

Ỹataqta amai' naua 'ara'aqtaqa da huetaiguilo na aỹap, napacalec da lamaic ca te'esaq lli'i da taigui na aỹap.

Proverbios 31:10

Aca no'on 'alo ỹataqta huo'o da lqalaic da qaỹanata, acamaye napacalec da lashiichiỹaxac na ỹataqta no'on coma'.

Eclesiastés 7:11

Da naỹaanec ỹataqta 'onaxaic qataq ỹaỹamaxaañi nam netalec ana 'alhua da nnaictague' nataqa'en dam nsallaxa.

Deuteronómio 30:13

Qataq saishet da hueta'atague da le'ego aca auaxai da huo'otaq qoñiita' ca qara'aqtaqui: ¿Negue'tom ca ishet da ỹa'axasoxoolec aca auaxai da ỹe'eguena'ata da qomi' ndo'otalo da yaqto' saỹatenaq qataq salaxasoxoguet de'era napaxaguenataxanaxac?