Proverbios 7:7 - La'aqtaqa Ñim Lo'onatac 'Enauacna 2013

⁷ nache selota'a so nsoxoppi maye qaica ca ỹaỹaana'a, qaq somayepi huo'o so 'oonolec ỹataqta qaica ca ỹaỹaana'a.

Proverbios 7:7 Referans Kwoze

Proverbios 6:32

Qalaxaye ca lauatapiguiñi' aca ỹaqa'a 'alo camaye ỹataqta qaica ca laỹaanataxanaxac. ¡Qaq cam ỹo'ottac de'era, camaye nlaxattapiguiñi da maiche nachaalataxac.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Mateo 15:16

Nache So Jesús 'enapeco': –¿Qache nataqa'eno' da qoñiita saishet da qauaỹachiñi de'era?

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Proverbios 10:13

Naua la'aqtaqa ca ỹaanaxanaxaic chegaqaiguilo da naỹaanec, qaq ca qaica ca ỹaỹaana'a qalaq taỹa'a da qaiuaxaalec na l-laq ca nhuaxanaxanaxat.

Proverbios 9:16

«¡Ña qauanaỹeecna'a qami' nsoxoppi maye qaica ca qauaỹaañi!» Qataq ỹanem da la'aqtac na qaica ca ỹaỹaana'a, 'eeta':

Proverbios 9:4

«¡Qauanaỹeecna'a qami' nsoxoppi 'enaqaicpi!» Qataq ỹamaxa so la'aqtac so qaica ca ỹaỹaanapec, 'eeta':

Proverbios 8:5

Qami' nsoxoppi maye qaica ca qauaỹaañiỹa'a, qanapaxagueñiỹa qome da sa qanqalaache, qataq qami' 'enaqaiqa qanapaxagueñiỹa qome da qami' huattonaxanaxaiqa!

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Proverbios 1:4

yaqto' sa nqalat qanqa'en na nsoxoppi maye saxanaqca ca ỹaỹaten, qataq qoỹanem da lauattonaxanaxac qataq nlotec.

Salmos 119:130

Cha'aye da qaỹa'axatte' naua 'ara'aqtaqa nache ỹo'ot da yo'oqchiguiñi, qataq ỹanem da lauattonaxanaxac ca huesota da lataxac.

Proverbios 27:12

Ca huo'o na ỹaỹaten da ila'a ca lchec nache ivita'a, qaq ca qaica ca ỹaỹaanapec qalaq nache queta choche ivitta'a da nque'etaxangui ca qauem.

Proverbios 24:30

Aỹem satelec ye no'onaxa so hualaic, qataq ye lma' ana lañiguishe uva so qaica ca ỹaỹaanapec:

Proverbios 22:3

Ca huo'o na ỹaỹaten da ila'a ca lchec nache naneltaxaneguet, qaq ca qaica ca ỹaỹaanapec qalaq nache queta ime qaq maiche nque'etaxangui camaye.

Proverbios 19:25

Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.

Proverbios 19:2

Sa ỹaỹamaxañi da sa qaiuennataxaalec ca qoỹeetapeguec, qataq da qalota da nỹalaxa nache ỹo'ot da nsomaxac.

Proverbios 14:18

Na qaica ca ỹaỹaanapec qalaq talec da qaica ca ỹaỹaana'a, qaq na ỹaanataxanaxaic qalaq laueguec da lauattonaxanaxac.

Proverbios 14:15

Ca qaica ca ỹaỹaanapec ỹa'amaqten 'enauac nam qaỹa'axatem, qaq ca huo'o na ỹaỹaten qalaq ilotague' da lqauaxac.

Proverbios 12:11

Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Salmos 19:7

Naua lqataxaco Ñim Nataxala' ỹataqta ỹaỹamaqchiyiñi, cha'aye ỹan da dalaxaic achaalataxac. Da lamaxasoxonaxac Ñim Nataxala' ỹataqta saishet da nqochen, cha'aye damaye ỹo'ot da ỹaanaxanaxaic ca shiỹaxaua huesota da lataxac.

Da na'aqtaguec so Job 24:15

Qaq na lauatapiguiñi' ana sa lhua qalaq iuatta'a da napalñi, nache ỹataqta ỹapotelec na lashec, nache deuennataxaatac 'eeta': «Yaqto' qaica ca aỹem ỹauangui.»

Proverbios 5:1

'Am ỹalec, 'alotelec qome da ỹaỹaanec, qataq 'ana'axaỹaxanalo naua ỹaỹaanataxanaxaco.

Proverbios 6:20

'Am ỹalec, ỹataqta 'aualaxagueta qome naua lamaxasoxonaxaco ca 'arta'a, qataq saishet da qoca'aisalo naua lapaxaguenataxanaxaco aca 'arate'e.