Proverbios 7:25 - La'aqtaqa Ñim Lo'onatac 'Enauacna 2013

²⁵ Saishet qome da ỹashaxanec da 'arhuennataxac asa'aso 'alo, saishet qome da 'auqat souaxat da 'auca'ategue asomaye,

Proverbios 7:25 Referans Kwoze

Proverbios 5:8

Qaỹoqta qome 'anqa'en aca ỹaqa'a 'alo, qataq saishet da saqaỹapeque 'anqa'en ca lasom ca lma',

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Proverbios 6:25

Saishet qome da 'auqopitta'a da lyacỹaxac acamaye, qataq sa 'anañaneguet da 'am loxonec da lmeenaxanaxac.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Proverbios 5:23

Dam sa ỹaỹamaxañi lataxac nachera da ỹauecta'a da nleuaxa, qataq souaxat da qaica ca ỹaỹaana'a nache taỹa'a da daqat.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Proverbios 7:26

cha'aye mashe qalota so que'emaq souaxat asomaye, qataq ỹataqta qalota so ileu.

Proverbios 9:15

nache iỹaxaatague' na petañepi, maye quetague' so no'on nqa'aic, 'eeta':