Proverbios 7:2 - La'aqtaqa Ñim Lo'onatac 'Enauacna 2013

² 'aualaxagueta naua ỹamaxasoxonaxaco qataq naua ỹapaxaguenataxanaxaco, ỹataqta 'antela'alo, 'eeta'am 'anqa'en naua 'ara'aillalel, yaqto' 'anca'alec.

Proverbios 7:2 Referans Kwoze

Salmos 17:8

Aỹem 'antela'a qome, 'eeta'am 'anqa'en da 'artelaxa naua 'ara'aillalel, aỹem 'auacho'ot qome na lpaqal naua 'araua't da aỹem 'oxocheesop

Levítico 18:5

Ỹoqo'oye ỹataqta qauloitelec qome na iqataxacpi, qataq na ỹamaxasoxonaxacpi, cha'aye ca shiỹaxaua maye ỹalaq, nache nca'alec qome. Qaq 'era da ỹa'aqtac, Aỹem Nataxala'.

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Proverbios 4:4

so ita'a naxa da aỹem ỹapaxagueetac nache, 'eeta': «ỹataqta 'oxotoiguilo qome añi 'arquiyaqte naua ỹa'aqtaqa, qataq 'aualaxagueta naua ỹamaxasoxonaxaco yaqto' nache 'eetai' da 'anca'altauec.

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Proverbios 4:13

'Anasoqchiyiñi qome naua ỹapaxaguenataxanaxaco, qataq saishet da qoca'aisalo naamaye, 'auaỹamaxatteque cha'aye nachenaua nam ỹo'o't da 'arca'alaxa.

Deuteronómio 32:10

Nam ilalec co'ollaq netalec ye toolec 'alhua, yem 'alhua maye deqaqta souaxat so la'at lta'araic, qaq Ñimaye nache nsoxola't, qataq ỹapaxaguen, qataq ilo'ogue 'eeta'ama naua la'ai llale da ỹataqta ntela'alo.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Proverbios 4:21

Saishet qome da sa 'auloleguete naamaye, ỹataqta 'oxotoiguilo da 'antoonaxac.

Salmos 119:144

Naua 'aramaxasoxonaxaco nache 'eetai' da nalochiyiñi, ỹoqo'oye aỹem 'aỹa'anem qome ca ỹauattonaxanaxac yaqto' ishet da ñeca'altauec.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.