Proverbios 7:13 - La'aqtaqa Ñim Lo'onatac 'Enauacna 2013

¹³ Nache asomaye qapalot so nsoqolec nache napigoxoi', nache qaica ca da'actaique da 'enapega, 'eeta':

Proverbios 7:13 Referans Kwoze

Génesis 39:12

nache asomaye ỹaconeua'alo soua alogo da nllañi somaye, nache 'enapego', 'eeta': «Aỹem 'arauañi'.» Qalaxaye so José, pa'auec nache datauec, no'onaxatchiguilo soua alogo da nache hueto'oto asomaye.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Ezequiel 16:33

'Enauac ana quisheguetaxaipi qaisheeten, 'am qalaxaye 'auauo'o na nme, qataq 'ausheeten nam 'ancachaxauapi, da yaqto' chegoqteugalo da 'am naỹa da 'am lauañi'.

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Ezequiel 2:4

Qaq nataqa'en na llalaqpi namayepi qaramchigui, qataq sana'axaỹaxan. Qaq 'am samaxa namayepi da yaqto' qonapega, qoneta': ‹'Era da la'aqtac Ñim Nataxala'.›

Isaías 50:7

Qaq Ñim Nataxala' nacheñi ñim aỹem itauaatac, qaq ỹoqo'oye saishet da aỹem ique'emaqchet na nsheunaxanaxacpi, qataq saishet da huo'o ca aỹem iraxanapigui' sheeta'am ca coma', qataq saỹaten da saishet da aỹem nlaxagui da ỹa'aloxo.

Proverbios 21:29

Ca qauemaic qalaq 'eetega qaica cara da lataxac, qaq ca no'on da lataxac qalaq ỹaỹamaxatchiguiñi da llecỹaxac.

Números 31:16

Ye nachana anamayepi ana ỹalaxaguet co'ollaxa da la'aqtac so Balaam, nache ỹo'otec na Israel le'ecpi, da dataỹa'aguet Ñim Nataxala', co'ollaq huaña ye Baal Pegor. Ỹoqo'oye Ñim Nataxala' iuaxanec co'ollaxa so nleuaxa na Israel le'ecpi.

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Génesis 39:7

Qaq co'ollaq qaỹoqtegue de'era, nache aso lhua so na'aco' nqopittega somaye, qaq huo'o so na'a'q nache 'enapega, 'eeta': «Aỹem 'arauañi' qome.»

Salmos 59:3

'Am Nataxala' ñaq 'aula'a na ỹalleppi 'añaxaicpi, huaxaỹa't da ỹoiqueetac da ñachaalataxac, na'aictaxa da qaica ca ñe'enaxac qataq qaica ca sasouaxat.

Proverbios 9:15

nache iỹaxaatague' na petañepi, maye quetague' so no'on nqa'aic, 'eeta':