Proverbios 6:16 - La'aqtaqa Ñim Lo'onatac 'Enauacna 2013

¹⁶ Huo'oi naua seis lataxaco maye saishetegueta Ñim Nataxala', qataq siete naua ỹataqta sa ihuoonegueta Ñimaye:

Proverbios 6:16 Referans Kwoze

Salmos 11:5

Ñim Nataxala' nache nauaatac na no'on da lataxac qataq na qauemaicpi, qataq ỹataqta ỹaỹemec na lqopitaxat da nloquiaxac.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 11:20

Ñim Nataxala' ỹaỹemec na qauema naua lhuennataxaco, qalaxaye ỹaỹamaxareeta na ỹaỹamaqchiguiñi da lataxac.

Proverbios 3:32

cha'aye Ñim Nataxala' ỹataqta ỹaỹemec na qauemaicpi, qalaxaye nauochaxaua ca no'on da lataxac.

Deuteronómio 25:16

Cha'aye Ñim Nataxala' ỹataqta deqaiga 'enauac nam ỹo'ottac de'era ncachaxac maye saỹaỹamaxañi.

Proverbios 17:15

Da choche qaichoxoren ca huo'o ca lasouaxashet qataq da qaỹo'ot ca nhuaxanaguec ca qaica ca ỹasouaxat, qaq ne'enaua dos ỹataqta saishetegueta Ñim Nataxala'.

Proverbios 11:1

Ñim Nataxala' sa ỹaỹamaxaren aca naloqnaxanaxaqui sa naloguiñi, qalaxaye ỹaỹamaxareeta aca naloqnaxanaxaqui maye nalochiguiñi.

Amós 2:1

Qaq Ñim Nataxala', 'eeta': Na Moab le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye namayepi ỹavigaxa't co'ollaxa soua lpi'ineqa so nta'a ye Edom, nache ivitta'a naqa'en da nañigui alo.

Amós 1:11

Qaq Ñim Nataxala', 'eeta': Na Edom le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da ỹataqta sa ichoxonnai' da irolec na lainec, co'ollaq icaatac na maiche lqaỹañecpi Israel le'ecpi. Qataq ỹataqta lta'araic da lalemataic, qataq da lquiỹaxa namayepi.

Amós 1:9

Qaq Ñim Nataxala', 'eeta': Na Tiro le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye so qalota nhuo' le'ecpi maye loxonecpi co'ollaxa imenot na Edom le'ecpi da yaqto' l-latacpi, qaq saq tagui lauel da naỹamaxataxac co'ollaq naỹamaxate' da 'eco' lqaỹañecpi somayepi.

Amós 1:6

Qaq Ñim Nataxala', 'eeta': na Gaza le'ecpi ỹataqta qalota na qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye ỹataqta imatta co'ollaxa da ỹauec na nhuo' le'ecpi, nache imenot na Edom le'ecpi da yaqto' l-latacpi.

Amós 1:3

Da la'aqtac Ñim Nataxala', 'eeta': na Damasco le'ecpi ỹataqta ỹapacauec na lasouaxashetpi, qaq saishet qome da saxaañi da sauo'o na nhuaxanaguecpi, cha'aye namayepi ỹataqta ilaxachigui co'ollaxa na lma' ye Galaad, ỹauota'a ana namoxoỹaqtaxanaqte lcat.

Proverbios 30:21

Qataq huo'oi naua tres maye ỹacholaxa'n ana 'alhua, qataq huo'o so lỹa nache ivi' cuatro, som ỹapactec da sa qanalo'oguet:

Proverbios 20:23

Ñim Nataxala' saỹaỹamaxaren da qaỹo'onataxana ana naloqnaxanaqte saq 'en, qataq aca naloqnaxanaxaqui maye saỹaỹamaxañi.

Deuteronómio 24:4

nache que'eca hua'auteguet lhua acamaye, saishet da qaltaq huaroneguet acamaye, cha'aye acamaye mashe saishet da qui'itta. Cha'aye de'era nataxac damaye ỹataqta deqaiga Ñim Nataxala'. Qataq saishet qome da qana'axache ye 'alhua maye qami' ỹanema qome Ñim Nataxala' maye Qanatamnaxala'ai da yaqto' qaralamaxache.

Deuteronómio 23:18

Qataq saishet da qoỹanot Ñim Nataxala' maye Qanatamnaxala'ai aca chegaqaigui da quisheguetaxac, qataq saishet da qaisheetenaxana acamaye da huo'o ca qoỹan na'aqtac, cha'aye damaye ỹataqta deqaiga Ñim Nataxala'.

Amós 2:6

Qaq Ñim Nataxala', 'eeta': Na Israel le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye imen co'ollaxa nam no'on da lataxac nache ỹataqta saq 'amaqtaq ana lasheue plata, qataq da imen na choxoraqpi, qalaq 'eeta'am da lashiichiỹaxac ca pela'.

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Proverbios 30:29

Qataq huo'oi naua tres shiguiỹa'c maye ỹataqta nya'n da queuotapigui'salo qataq huo'o so lỹa nache ivi' cuatro:

Proverbios 20:10

Aca naloqnaxanaqte qataq ca naloqnaxanaxat da saipaigui da huo'o ca qanaloqten, qaq caamaye ỹataqta saishetegueta Ñim Nataxala'.

Apocalipsis 21:27

Qalaxaye saishet da inoxoneua'a yemaye ca nshepaxan maye sa ỹaỹamaxaren Ñim Lo'onatac 'Enauacna; qataq saishet da inoxoneuo nam ỹo'oxoreetac nam qanatameetacotpi maye saq 'en, nachaqnata na nanettaua'a aso lere Ñim Qagueta Llalec. Asa'aso nere nanettaua'a na le'enaxatpi nam ỹaconeguet cam nca'alaxa maye chochaq tatec.

Proverbios 30:24

Huo'oi nauatai' cuatro shiguiỹacolqa maye ỹoqta qapio'olqa huetralec ana 'alhua, maye napacaleguete da laỹaanec na ỹaanaxanaxaicpi:

Proverbios 30:18

Qataq huo'oi naua tres qataq huo'o so lỹa, nache ivi' cuatro naua ỹo'o't da ỹa'aalaxa qataq saishet da sevi' da saỹate'n ca lataxa'c:

Proverbios 6:15

Qaq ỹoqo'oye nque'elaxatta qome da nvita ca nlaguiñi naqa'en, 'eeta'am da choche nlouec qataq ỹamaxa't naua la'ai'te nache nlaguiñi, huaña nache qaica ca ishet da ỹaỹamaxaañi.

Proverbios 6:17

na'ai'te maye na'amqaanaxaiqa, qataq nachaxat maye shepecaic, qataq nhua'q maye ỹalaua't ca qaica ca ỹasouaxat,

Jeremías 26:15

Qalaxaye qauaỹaañita da aỹem qaualauache, nache qami' qataq 'enauac nam netaigui ne'ena huaqta'a't nỹecpi, maiche qarasouaxashechi da qaualauache cam qaica ca lasouaxashet, cha'aye 'eesa da nacheñi Ñim Nataxala' Ñim aỹem ỹamaxalec da ỹataqta sa'axatta 'enauac ne'enapi.»

Zacarías 8:17

saishet da qauennacheetega da qauo'ochec ca qauem ca qarỹai, qataq saishet da saq'en ca qaỹa'añi qara'aqtaqui. Cha'aye aỹem ỹataqta seqaiga 'enauac de'era. Qaq 'era da ỹa'aqtac Aỹem Nataxala'.»

2 Reyes 21:16

Qaq 'enauac na lasouaxashetpi so Manasés, da nataqa'en ỹo'ot da huo'o nam lasouaxashetpi ye Judá, cha'aye ỹo'ot nam qauem maye sa ỹaỹamaxarenpi Ñim Nataxala', qataq ỹalauat so qalota maye qaica ca lasouaxashet, nache ỹataqta nlaxalec ye Jerusalén na ntago'q.

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.

Salmos 5:7

Aỹem, qalaxaye souaxat da ỹataqta lta'araic 'arsoxoyec, nache ishet da senoxoneua'a añi 'aralamaqte atamnaxaqui, qataq ishet da 'am sa'aroto naua illecte, da sootaigui añi qui'itta atamnaxaqui maye 'aralamaqte.

Proverbios 12:22

Ñim Nataxala' ỹataqta ỹaỹemec na shepecaicpi, qalaxaye ỹaỹamaxareeta na ỹo'ottac na 'eesa lataxac.

Proverbios 21:4

Naua na'ai'te ño'oxonnaxaiqa qataq da toonaxac maye na'amqaanaxaic, qataq da lhuennataxac na qauemaicpi damaye ỹo'ot na nasouaxashet.