Proverbios 5:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye 'am ỹalec, aỹem 'ana'axaỹaxana qome, saisheto' da qoca'ai na ỹapaxaguenataxanaxacpi.

Proverbios 5:7 Referans Kwoze

Proverbios 4:1

Qami' ñalaqpi, ỹataqta qana'axaỹaxañiỹalo qome naua lapaxaguenataxanaxaco ca qarta'ai, qataq qaloitegueta yaqto' qauauattoñi da naỹaanataxanaxac.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Proverbios 7:24

Qaq ỹoqo'oye 'am ỹalcolec, nagui aỹem 'ana'axaỹaxana, ỹataqta 'aloteleguete naua ỹa'aqtaqa.

Proverbios 4:21

Saishet qome da sa 'auloleguete naamaye, ỹataqta 'oxotoiguilo da 'antoonaxac.

Proverbios 3:21

'Am ỹalcolec, saishet qome da 'aỹa'axanec da ỹaỹamaqchiguiñi lataxac, qataq 'alotelec da ntelaqchec,

Salmos 119:102

Qataq saishet da sheca'aisalo naua no'oñi 'ara'aqtaqa, cha'aye nache 'am da aỹem 'auapaxagueetac.