Proverbios 5:6 - La'aqtaqa Ñim Lo'onatac 'Enauacna 2013

⁶ Acamaye ỹataqta sa itena'a da llec da achaalataxac, qataq sa ila'a da saỹaỹamaxañi da lqauaxac.

Proverbios 5:6 Referans Kwoze

Proverbios 4:26

Qataq 'alochiguinguilo naua piguiñalo naua 'arapia'ate, qataq 'auaỹamaxatchiguiñi 'enauac da 'arqauaxac.

Salmos 16:11

Qataq aỹem 'auachaxana da llec da achaalataxac, qataq aỹem nlaqchigui 'anqa'en da ñetonaxac da 'am soota'aguet qataq nache 'eetai' da ỹamaicỹaxac da soota'ague na 'oic.

Proverbios 30:20

Aca 'alo maye ncachetague' ca sa lhua, 'eeta' da lataxac: deque'e, qataq iỹogui na alap, ime, nache 'eeta': «Aỹem qaica ca so'ot saỹaỹamaxañi.»

Proverbios 5:21

Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Salmos 119:59

Aỹem seuennataxaatapeguelec co'ollaxa da maiche ỹecỹaxac, nache she'eguelaxa da salaxagueta naua 'aramaxasoxonaxaco.

Proverbios 11:19

Ỹoqo'oye da qanayectegue da ỹaỹamaqchiguiñi lataxac qalaq huo'o da nca'alaxa, qaq da qanayectague' da qauem qalaq taỹa'a da nleuaxa.

2 Pedro 2:14

Ne'ena ỹalleppi saishet da choche ilota'a aca 'alo da huo'otaq sa iyaqa'a da hue'eguet, qataq saishet da nasamiisop da ỹo'ottac na qauem. Qataq ỹatenachettac nam saxanaxa da da'añi da lpi'iỹaxac So Cristo, qataq ỹataqta saishet da nqalat da datenataxan da yaqto' nqat aca anom. Ne'ena shiỹaxauapi namayepi Ñim Lo'onatac 'Enauacna ỹauo'o ca nhuaxanaguec qome; ¡qaq damaye ỹataqta saishet da qaiqoleguet!

Proverbios 2:19

cam inoxoneua'a ca lma' acamaye qalaq saishet da ñe'eguelaq, qataq saishet da ỹe'eguelaxa da quegue so nqa'aic maye huetangui da nca'alaxa.

Proverbios 9:13

Da qaica ca qaỹaỹaana'a qalaq 'eeta'am aca 'alo na'aqtaqa lo'o', 'oopai qataq qaica ca ỹaỹaanapec.