Proverbios 5:4 - La'aqtaqa Ñim Lo'onatac 'Enauacna 2013

⁴ qalaxaye da ivita ye loga't naamaye, nache napacalec da lchemaxa aca chemaxarai, qataq napacalec na llaxa ca ỹeelonec maye dos naua llaqa'ate.

Proverbios 5:4 Referans Kwoze

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.

Salmos 57:4

Aỹem sootangui na llonpi, aỹem coleesop na shiỹaxauapi maye chec na lỹa, naua lhue namayepi qalaq 'eeta'am ana taquiaxai qataq ana checna, qaq na lachaxat 'eeta'am na ỹeelonec maye qaiqueuocta.

Salmos 55:21

Naua la'aqtaqa qalaq isotta'ape 'eeta'ama na da'añiỹa'a't huaca lche', qalaxaye naua lhuennataxaco nda'a't da nalaataxac. Do'onataxanalo naua la'aqtaqa isotta'ape 'eeta'am na aceite, qalaxaye naamaye da llaxa 'eeta'am na ỹeelonec.

Hebreos 4:12

Da huo'o ye la'aqtac Ñim Lo'onatac 'Enauacna da nasaxauec qalaq ỹataqta huo'o da la'añaxac qaltaq nca'altauec. Da la'aqtac Ñimaye ỹataqta napacalec na llaxa ca ỹeelonec maye dos naua ala'api, ỹoqo'oye ishet da iviraua'a ye ỹataqta pa'auo da nachaalataxac ca shiỹaxaua. Nataqa'en huaña da ishet da imete'n naua qarhuennataxaco qataq da qaryaxayec, nache ỹachaxa'n da huo'otaq 'onaxaiqa huo'otaq qauema.

Proverbios 9:18

Qalaxaye namayepi sa ỹaỹaten da na icoyeguen asomaye, taỹa'a da ileu tangui na pa'aguiñi aca huachiqui.