Proverbios 5:21 - La'aqtaqa Ñim Lo'onatac 'Enauacna 2013

²¹ Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Proverbios 5:21 Referans Kwoze

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Proverbios 15:3

Ñim Nataxala' hueta'a 'enauac na qanayeetaña, ilotalec 'enauac na soxoraicpi qataq na qauemaicpi.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Da na'aqtaguec so Job 34:21

Cha'aye da lmeenaxanaxac Ñim Lo'onatac 'Enauacna, ilotague' da llecỹaxac ca shiỹaxaua, qataq naua'n naua lqauaxaqui'.

Salmos 11:4

Qaq Ñim Nataxala' qalaq hueta'a añi qui'itta lalamaqte atamnaxaqui, Ñim Nataxala' qalaq netaña ca nso'onqa' na piguem, nache saishet da nqachegoxoyiñi naqa'en naua la'ai'te, da nauaatac na shiỹaxauapi.

Da na'aqtaguec so Job 31:4

Qataq Ñim Lo'onatac 'Enauacna ¿saishet peta'a da ila'a da ỹecỹaxac, qataq saishet peta'a da imete'n naua iqauaxaqui'?

Oseas 7:2

Nache saishet da tagui lauel da Aỹem ñetoueeta'ac 'enauac nam qauem maye ỹo'otpi. Qaq nagui qalaq coleesop nam maiche ỹo'ottacpi maye qauem, nam nache 'eetai' naxa da semeteetac.

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

Jeremías 16:17

Cha'aye Aỹem selota'a 'enauac nam ỹo'ottacpi, nache qaica ca ỹapoguiñi ñaqa'en, ivira'a na lasouaxashetpi saishet da nqañoxocheesop da imeenaxanaxac.

Salmos 119:168

Qaq ỹataqta salaxagueta naua 'aramaxasoxonaxaco qataq naua 'arqataxaco, cha'aye da ñeqa'aicỹaxac 'enauac da 'auaỹateetac.

Salmos 17:3

Cha'aye 'am 'auaỹateete' naua iuennataxaco, qataq ye pe qalaq aỹem 'auchemaxattac qataq aỹem 'avi'egueetac, qalaxaye saishet da 'auanata ca saỹaỹamaxañi de'era ñachaalataxac. Qataq na aỹap saishet da chegaqaigui ca saỹaỹamaxañi,

Da na'aqtaguec so Job 14:16

Qaq nagui da 'aulochiguilo naua iqauaxaqui', nache saishet da 'aulotagui na ỹasouaxashetpi,

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Apocalipsis 2:18

«Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Tiatira. Qoneta': ‹¡Aỹem maye Aỹem Llalec Ñim Lo'onatac 'Enauacna! Naua ỹa'ai'te 'eeta'ama na le'eraxa na norec, qaq naua ichel qalaq qashelectrapiguiñi 'eeta'am da lqashelgaxa na lcat le'enaxat bronce da ime da nqatelaguec. Ñaq 'ana'axaỹaxana dam 'am sa'axatem:

Proverbios 4:26

Qataq 'alochiguinguilo naua piguiñalo naua 'arapia'ate, qataq 'auaỹamaxatchiguiñi 'enauac da 'arqauaxac.

Proverbios 5:6

Acamaye ỹataqta sa itena'a da llec da achaalataxac, qataq sa ila'a da saỹaỹamaxañi da lqauaxac.

Jeremías 29:23

Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»

Da na'aqtaguec so Job 24:23

Ñim Lo'onatac 'Enauacna hua'aqta'a namayepi da qaica ca ivittaique, qalaxaye ỹataqta naua'n naua lqauaxaqui'.