Proverbios 5:12 - La'aqtaqa Ñim Lo'onatac 'Enauacna 2013

¹² Qaq qoneta' qome: «¡Che'eeto' co'ollaxa da sa saconeguet so nhuogoqtaxanaxac! Qataq ¡che'eeto' co'ollaxa da sa saconegueta naua ñeviraqtagueeco!

Proverbios 5:12 Referans Kwoze

Proverbios 12:1

Ca ỹauotec da napaxaguenataxanaxac camaye ỹauotec da naỹaanec, qaq ca saiuooneguet da qaiviraxato'ot camaye qaica ca ỹaỹaanapec.

Proverbios 15:5

Ca qaica ca ỹaỹaanapec ỹo'ota'n naua lqataxaco ca lta'a, qaq ca ilotegueta naua nqataxaco camaye sanqalat.

Proverbios 1:25

Nachaqrata da sa qauacoñeeguet na iqataxacpi, qataq saishet da qauacoñeegueta naua iviraqtaxanaxaco.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Proverbios 13:18

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.

Salmos 50:17

Ye 'am sa 'auaỹamaxaren da 'am sachaxana ca 'arsomaxac qataq qaica ca 'aỹa'anaiguilo naua ỹa'aqtaqa.

Salmos 73:22

souaxat da qaica ca saỹaanapec qataq da iualoxonaxac, nache sheeta'am ca shiguiỹac da 'am ñachatto'ot.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

2 Crónicas 25:16

Qalaxaye co'ollaq ñaq detaqtac som la'aqtaxanaxanec Ñim Lo'onatac 'Enauacna, nache so nta'a 'enapega somaye, 'eeta': «¿Negue'to' ca 'am ỹanem co'ollaxa da 'am la'aqtaxanaxanec na nta'a? Ñaq 'aue'enaxaatai' taxa. ¿Qalqo' huotaique da 'am qaỹalauat?» Nache so na'aqtaxanaxanec saishet da qaltaq 'enapega, qalaxaye nacherata da 'eeta': «Aỹem saỹaten da Ñim Lo'onatac 'Enauacna 'am ilaxachigui qome, souaxat da 'auo'ot de'era, qataq saishet da 'aualaxaguet da iqataxac.»

Génesis 19:9

Qalaxaye somayepi 'enapeco': «¡Ñaq qoca'ai ne'ena! Maye isheto' peta'a da ca chegaqauec maye 'eeta'am 'am, da qomi' ỹama'q. Qaq nagui qalaq ỹactec da saishet da 'am seyacnaqapec, nache saishet da qoneta'ama ñeqa'ena'q caamaye.» Nache somayepi saỹaỹaloxon da sa icherapec so Lot, nache nquigueua'a so lasom da yaqto' ỹamaxañi,

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

Proverbios 5:11

Ten qom huo'o ca na'a'q nache choche 'antogottac, qom ivita da imeuo da la'añaxac da 'aro'ocỹaxac.

Proverbios 8:36

Qalaxaye ca aỹem ca'ai qalaq huetalec da lchec da nachaalataxac, ¡qaq ca aỹem nquiỹa, qache ỹauotec da nleuaxa!»

Proverbios 10:17

Ca ilotelec ca napaxaguenataxanaxac, camaye quetegue da no'on llec da achaalataxac, qaq ca saỹaconeguet damaye qalaq taỹa'a da deqat.