Proverbios 4:7 - La'aqtaqa Ñim Lo'onatac 'Enauacna 2013

⁷ 'Aua'auaxaañi qome da 'auaconeguet da naỹaanec, qataq ỹactec 'anqa'en da 'auaconeguet da naỹaanataxanaxac.

Proverbios 4:7 Referans Kwoze

Eclesiastés 7:12

Cha'aye da naỹaanec qataq aca anom, 'eeta'am aca npaqtaxanaqte, qalaxaye da naỹaanec ỹactec da naigui, cha'aye ỹami' da lca'alaxa cam hueto'ot damaye.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Proverbios 16:16

Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Salmos 119:104

Naua 'aramaxasoxonaxaco nache sachegoxotaiguilo da ỹaỹaanataxanaxac, ỹoqo'oye ỹataqta saỹemec da llecỹaxac da natenataxanaxac.

Proverbios 21:6

Da nsallaxa maye qaỹachegoxotaigui da natenataxanaxac, damaye saqaỹauec qataq imeuo naqa'en ca nmitta'a da nleuaxa.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Proverbios 4:5

'Auaconeguet qome da naỹaanec, qataq da naỹaanataxanaxac, qataq saishet da 'aucoua'aisalo naua ỹa'aqtaqa, qataq saishet da qoca'aisalo naamaye.

Proverbios 8:23

Aỹem la'auaxanec da aỹem ỹo'ot co'ollaq cheta'ague da ỹo'ot 'enauacna, co'ollaq saxanaxa da ỹo'ot ana 'alhua.

2 Crónicas 1:10

Qaq ỹoqo'oye nagui, aỹem 'aỹa'anem ca naỹaanec, qataq ca nauattonaxanaxac da yaqto' saỹaten da saueca'aguet ne'ena nhuo' le'ecpi, cha'aye ¿negue'tom ca ishet da ỹaueca'aguet ne'ena ỹataqta qalota nhuo' le'ecpi?»

Proverbios 2:4

da 'anmitaique damaye qalaq 'eeta'am 'anqa'en, da 'anmitaique aca nlayiguishe plata maye qoỹoxooñi.