Proverbios 4:5 - La'aqtaqa Ñim Lo'onatac 'Enauacna 2013

⁵ 'Auaconeguet qome da naỹaanec, qataq da naỹaanataxanaxac, qataq saishet da 'aucoua'aisalo naua ỹa'aqtaqa, qataq saishet da qoca'aisalo naamaye.

Proverbios 4:5 Referans Kwoze

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

2 Crónicas 34:2

Qaq so Josías, ỹo'ot co'ollaxa nam ỹataqta ỹaỹamaxareeta Ñim Nataxala', cha'aye icaachigui da no'on lataxac som chegoxoguet David, da ỹataqta saishet da dasheuec.

Proverbios 19:8

Ca huo'o na ỹaỹaten qalaq ỹauotec da maiche nachaalataxac, qataq ca ntela'a da laỹaanataxanaxac camaye ivira'a da ỹaỹamaxañi.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Proverbios 8:5

Qami' nsoxoppi maye qaica ca qauaỹaañiỹa'a, qanapaxagueñiỹa qome da sa qanqalaache, qataq qami' 'enaqaiqa qanapaxagueñiỹa qome da qami' huattonaxanaxaiqa!

Salmos 44:18

Qataq saishet da 'am sa salaxasoxoguet, qataq saishet da salataq da 'anqa'aicỹaxac.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Proverbios 18:1

Ca mataxalaic qalaq nmittaique ca maiche 'eetapeguec, qataq dataỹa'aguet 'enauac na no'on nqataxacpi.

Proverbios 16:16

Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

Salmos 119:157

Aỹem, ỹataqta qalota na ñepa'aguenaxauapi qataq na aỹem icaatacpi, qalaxaye aỹem saishet da sheca'aisalo naua 'aramaxasoxonaxaco.

Salmos 119:51

Nam qaica ca iren qalaq nache queto'ot da aỹem inogoqchettac, qalaxaye aỹem saishet da saxaarec naua 'arqataxaco.

Da na'aqtaguec so Job 23:11

Cha'aye aỹem ỹataqta shectegue da llecỹaxac, qataq saishet da saỹoxouec da sheca'ai Ñimaye.

Proverbios 3:1

'Am ỹalcolec, saisheto' qome da 'aucoua'ai na ỹapaxaguenataxanaxacpi, 'oxotoigui qome da 'antoonaxac na ỹamaxasoxonaxacpi,

Proverbios 4:7

'Aua'auaxaañi qome da 'auaconeguet da naỹaanec, qataq ỹactec 'anqa'en da 'auaconeguet da naỹaanataxanaxac.