Proverbios 4:4 - La'aqtaqa Ñim Lo'onatac 'Enauacna 2013

⁴ so ita'a naxa da aỹem ỹapaxagueetac nache, 'eeta': «ỹataqta 'oxotoiguilo qome añi 'arquiyaqte naua ỹa'aqtaqa, qataq 'aualaxagueta naua ỹamaxasoxonaxaco yaqto' nache 'eetai' da 'anca'altauec.

Proverbios 4:4 Referans Kwoze

Proverbios 3:1

'Am ỹalcolec, saisheto' qome da 'aucoua'ai na ỹapaxaguenataxanaxacpi, 'oxotoigui qome da 'antoonaxac na ỹamaxasoxonaxacpi,

Juan 12:50

Qaq Aỹem saỹaten da lamaxasoxonaxac Ñim Ita'a, damaye chegaqaigui da nca'alaxa maye chochaq tatec. Qaq 'era da 'eetec da cam ñasaxauec qalaq nacheca ca Aỹem ỹamaxalec Ñim Ita'a.

Proverbios 7:2

'aualaxagueta naua ỹamaxasoxonaxaco qataq naua ỹapaxaguenataxanaxaco, ỹataqta 'antela'alo, 'eeta'am 'anqa'en naua 'ara'aillalel, yaqto' 'anca'alec.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

Deuteronómio 6:6

Qaq ne'ena ỹa'aqtacpi maye 'am sanem nagui, ỹataqta 'aỹa'anaigui qome da 'arquiyaqteỹaxac,

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

2 Timoteo 1:5

Qataq naxa da tachigui iuel dam 'arpi'iỹaxac maye huesota. De'era huesota npi'iỹaxac maye hua'auteguet aso 'arcote Loida qataq aso 'arate'e Eunice. Qaq nagui saỹateeta da nataqa'en 'am hueto'ot de'era npi'iỹaxac.

Proverbios 22:6

'Auapaxaguenec qome ca nogotolec da no'on ñecỹaxac, yaqto' qom ivita da ỹa'axaiqui nache saishet da ỹaxanec.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Salmos 119:168

Qaq ỹataqta salaxagueta naua 'aramaxasoxonaxaco qataq naua 'arqataxaco, cha'aye da ñeqa'aicỹaxac 'enauac da 'auaỹateetac.

Proverbios 23:26

'Am ỹalcolec, ỹataqta aỹem 'aualaxaguet qome, qataq 'aulotelec da 'am sachaxana ỹecỹaxac,

Jueces 13:12

Nache so Manoa 'enapeco': Qom ivita da ipacchigui de'era qomi' 'aua'axattapeguema, ¿qaq chaq shenaqtec ca lataxac da sapaxaguenaq que'eca nogotolec? Qataq ¿chaq 'eetec ca lo'onataxanaxac camaye?

Salmos 119:144

Naua 'aramaxasoxonaxaco nache 'eetai' da nalochiyiñi, ỹoqo'oye aỹem 'aỹa'anem qome ca ỹauattonaxanaxac yaqto' ishet da ñeca'altauec.

Proverbios 3:2

yaqto' qaỹoqtrec naua na'axa'te qataq naua vi'iye da 'anachaalataxac, qataq 'am nlaqchigui da 'al-lagaxayec.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.