Proverbios 4:26 - La'aqtaqa Ñim Lo'onatac 'Enauacna 2013

²⁶ Qataq 'alochiguinguilo naua piguiñalo naua 'arapia'ate, qataq 'auaỹamaxatchiguiñi 'enauac da 'arqauaxac.

Proverbios 4:26 Referans Kwoze

Hebreos 12:13

Qanqalgoqoi qome, qoquiitegue so nqa'aic maye ỹataqta ỹashectec qataq nalochiguiñi, yaqto' ca napia' maye ñi'iỹauo, qalaq ishet da no'oita, qataq saishet da ỹe'eguelaxa da vi'ita'a't.

Salmos 37:23

Ñim Nataxala' ilo'ogue da lqauaxac ca ỹale, da ỹaỹamaxareeta da no'on lataxac,

Salmos 119:5

Ỹoqo'oye da iyaxa da shectalec da salaxagueta naua 'arqataxaco.

2 Ts 3:3

Qalaxaye So Qarataxala' Jesucristo maye sa ỹatenachet ca la'aqtac, qami' itaua'n da yaqto' qami' 'añaxaiqa, qataq qami' ntelaqna'agueta na sa ỹaỹamaxañisat.

Hageo 1:5

Qaq ỹoqo'oye Aỹem, Nataxala' maye Qaica ca Seqalanapec, qami' shenapegalo da ỹataqta quennataxañeelec de'era qarataxaqui.

Hageo 1:7

Qaq Aỹem Nataxala' maye Qaica ca Seqalanapec, qami' shenapegalo da qauennataxañeelec de'era qarataxaqui.

1 Ts 3:13

Nataqa'en seỹaxanaqtacot Somaye da qami' ỹanema ca qara'añaxaqui da qaumachiỹo'ot da qarpi'iỹaxaqui Ñim Lo'onatac 'Enauacna, qataq qami' ỹanema da ỹataqta qui'itta da qarquiyaqteỹaxaqui qataq qaica ca qarasouaxashechi. Yaqto' qom ñe'eguelaq Somaye da nnaictague' na qui'itta lamaxashecpi, nache qaica ca ỹauo'o ca qarasouaxashechi da qanachaachiỹot Ñim Lo'onatac 'Enauacna. Aja', nache 'eetec.

Efesios 5:17

Qaq ỹoqo'oye saishet qome da qaica ca qauaỹaañiỹapec. Chaqrata da qanpogoxoiñiỹapegue' da qauaỹaañi cam 'eetapeguec So Qarataxala'.

Ezequiel 18:28

Qaq da ỹauachiguilo naua la'ai'te, qataq ca'ai 'enauac nam qauem maye ỹo'ot co'ollaxa, nache camaye ỹoqta 'eesa da nca'alec qaq saishet da ileu.

Salmos 119:59

Aỹem seuennataxaatapeguelec co'ollaxa da maiche ỹecỹaxac, nache she'eguelaxa da salaxagueta naua 'aramaxasoxonaxaco.

Proverbios 5:21

Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Proverbios 5:6

Acamaye ỹataqta sa itena'a da llec da achaalataxac, qataq sa ila'a da saỹaỹamaxañi da lqauaxac.

Salmos 40:2

nache aỹem nqateeguesop aso nshere, maye huetangui da nleuaxa qataq so nshaxa maye ỹataqta deshe, nache aỹem ỹapiaxanaxanaxaalec aso coma', qataq aỹem ỹanalec so nalochiguiñi 'alhua.

1 Pedro 5:10

Qalaxaye qom ime da qami' cara'ac da huo'o da qanque'eenaxaqui, nache Ñim Lo'onatac 'Enauacna qami' ỹe'eguelaxatalo da qaica camachaqca da qoñiita. Qaq ỹoqo'oye qami' saishet da qaỹa'axañiiuec da qarpi'iỹaxaqui Ñimaye; qaq Ñimaye qami' ỹanema da qara'añaxaqui da yaqto' saishet da qauqalvi qataq qami' ỹo'oteque da nache 'eetai' da huo'o da qarpi'iỹaxaqui. Qataq qantooñita'ac da Ñim Lo'onatac 'Enauacna maiche qomi' lca'agui'she, chegoqchigui naqa'en So Jesucristo da yaqto' ña'araxaua'a da qaica ca 'ena'am llo'oxoyec lo'onataxanaxac.

Proverbios 4:25

Nacherato' da ỹalemaqtec 'anqa'en da 'armeenaxanaxac, qataq 'alotegue da 'ata'ague.

Proverbios 15:21

Ca qaica ca ỹaỹaanapec qalaq machiguiñi naqa'en da no'oopashaxac, qaq ca ỹaanataxanaxaic qalaq ỹaỹamaxatchiguiñi da lqauaxac.

Proverbios 21:29

Ca qauemaic qalaq 'eetega qaica cara da lataxac, qaq ca no'on da lataxac qalaq ỹaỹamaxatchiguiñi da llecỹaxac.

Proverbios 23:19

'Am ỹalcolec, ỹataqta 'ana'axaỹaxan qome yaqto' 'am ỹaanaxanaxaic, qataq 'alotegue da no'on ñecỹaxac.