Proverbios 4:23 - La'aqtaqa Ñim Lo'onatac 'Enauacna 2013

²³ Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Proverbios 4:23 Referans Kwoze

Lucas 6:45

Na no'on shiỹaxauapi, nache 'eetai' da ỹo'ottac ca ỹaỹamaqchiguiñi, cha'aye da no'on huetaigui da lquiyaqteỹaxac. Qaq nam qauem shiỹaxauapi, nache 'eetai' da ỹo'ottac da qauem, cha'aye da lquiyaqteỹaxac huetaigui da qauem. Naua 'ara'aqtaqa maye nauoiguilo na 'ap naamaye ỹachaxa'n naua huetanguilo añi 'arquiyaqte.»

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

Proverbios 23:19

'Am ỹalcolec, ỹataqta 'ana'axaỹaxan qome yaqto' 'am ỹaanaxanaxaic, qataq 'alotegue da no'on ñecỹaxac.

Proverbios 28:26

Qataq ca pe'etegalo naua maiche lhuennataxaco camaye qaica ca ỹaỹaanapec, qaq ca ỹaỹamaqchiyiñi naua laỹaanataxanaxaco qalaq huo'o da lca'alaxa.

Marcos 14:38

Saishet qome da qauo'oche; qanqouagaxauñi yaqto' ishet da qauataiỹa'aguet da qañe'eguenataguiiqui maye saqaỹapeque. Qami' qauauoitaique da qauo'oche ca ỹaỹamaqchiguiñi, qalaxaye sa qauañoxoche da ndotec da maiche qara'añaxaqui.»

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Proverbios 4:7

'Aua'auaxaañi qome da 'auaconeguet da naỹaanec, qataq ỹactec 'anqa'en da 'auaconeguet da naỹaanataxanaxac.

Proverbios 3:21

'Am ỹalcolec, saishet qome da 'aỹa'axanec da ỹaỹamaqchiguiñi lataxac, qataq 'alotelec da ntelaqchec,

Proverbios 22:5

Na qauemaicpi qalaq huetangui ca llec ana ỹaxat qataq ana nqoinapi, qaq ca ntela'a da nachaalataxac qalaq ishet da dashelec anamayepi.

Proverbios 11:16

Aca 'alo choxonnataxanaxai acamaye huo'o da ño'oxonnataguec, qaq ca ỹale 'onataxanaxaic qalaq huo'o da lsallaxa.

Eclesiastés 5:13

Qataq huo'o da sela'a ỹataqta qauem maye huetalec ana 'ana 'alhua, qaq damaye, 'eeta': da qalaỹootasheguem da nsallaxa damaye na'aqchet ñim hueto'ot damaye,

Mateo 15:18

Qalaxaye na shiỹaxauapi da qauema naua la'aqtaqa, qaq 'eetec de'era cha'aye namayepi qauemaicpi qataq nache 'eetai' da iuennatega da qauem: 'eeta'am ca yo'oqchigui dalaataxan, qataq 'eeta'am ca ncachetague' aca sa lhua, qataq ỹo'ot na qauem, decache, isheueetac ca lỹa shiỹaxaua, qataq ỹatenachet. Qaq Ñim Lo'onatac 'Enauacna saỹaỹamaxaren namayepi da ỹo'oxoreetac Ñimaye. Qalaxaye ỹoqta 'eesa da camachaqca cam ishet da ỹo'oxoren Ñimaye na'aictaxa da saishet da iỹoi' naua lhuaxaye.

2 Reyes 10:31

Qalaxaye so Jehú, saishet da imauec da lquiyaqteỹaxac da ỹataqta ỹalaxaguet nam lqataxacpi Ñim Nataxala', maye Natamnaxala' so Israel le'ecpi, cha'aye saishet da ca'ai nam qauem ỹo'otpi so Jeroboán, maye ỹo'ot co'ollaxa nam lasouaxashetpi so Israel le'ecpi.

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.