Proverbios 4:19 - La'aqtaqa Ñim Lo'onatac 'Enauacna 2013

¹⁹ Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.

Proverbios 4:19 Referans Kwoze

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Jeremías 23:12

Qaq ỹoqo'oye da nqa'aicỹaxac namayepi, ỹataqta napalñi qome qataq salvi, qataq Aỹem so'otec qome da qaỹamaxañi nache huañi. Qom ñimit na lasouaxashetpi namayepi nache talec ñaqa'en ca qauem. Qaq 'era da ỹa'aqtac Aỹem Nataxala'.»

1 Samuel 2:9

Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Juan 11:10

Qalaxaye ca queuotapigui' ye pe, nache camaye ishet da huo'o ca ỹe'egueneguet, cha'aye qaica na yo'oqchiguiñi.

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Mateo 7:23

Qalaxaye Aỹem shenapega qome namayepi, sheeta': ¡Aỹem saishet da qami' sategueua'alo! ¡Aỹem qoquiỹa'ai, qami' shiỹaxauapi maye qauo'ocheetac na sa ỹaỹamaxañi!

Proverbios 2:13

nam ca'ai so no'on nqa'aic qataq quegue so nqa'aic maye napalñi,

Da na'aqtaguec so Job 18:18

Qataq qaỹachegoxottoigui na yo'oqchiguiñi, da qaỹasaxauga na napalaxa, qataq qaỹo'orauec, ca'ai qanqa'en ana 'alhua.

Da na'aqtaguec so Job 12:25

Huaña nache choche ipottapecra' naqa'en huetaigui na napalaxa, ỹe'egottapigui' naqa'en 'eeta'am ca taxaic.

Da na'aqtaguec so Job 5:14

¡Nache ye na'a'q, camayepi pogolaxaateguiñi, 'eeta'am da huetaigui ca napalaxa! Qaq ye na'a'q laiñi qalaq ipottapecra' 'eeta'am da huetaigui ye pe.

1 Juan 2:11

Qalaxaye ca nquiỹa ca lqaỹa maye nataqa'en ỹa'amaqteetac So Cristo, nache camaye huetaigui na napalaxa, qataq sa ỹaỹaten ca tata'ague, cha'aye nam napalaxa saishet da nauaañi naqa'en camaye.

Salmos 82:5

Qalaxaye namayepi qaica ca ỹaỹaten, qataq qaica ca ỹaỹaanapec, cha'aye namayepi quetaigui na napalaxa, nda'a't da ỹacholaxaatac na na'attalecpi ana 'alhua.

Proverbios 22:5

Na qauemaicpi qalaq huetangui ca llec ana ỹaxat qataq ana nqoinapi, qaq ca ntela'a da nachaalataxac qalaq ishet da dashelec anamayepi.