Proverbios 4:18 - La'aqtaqa Ñim Lo'onatac 'Enauacna 2013

¹⁸ Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Proverbios 4:18 Referans Kwoze

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Da na'aqtaguec so Job 11:17

Nache da 'anachaalataxac ỹataqta 'eroigui, 'eeta'am na le'eraxa añi nala' da mashe na'a'q laiñi, qaq na napalaxa qalaq 'eeta'am na yo'oqchiguiñi da mashe yo'oxoñi.

Daniel 12:3

Cam shiỹaxauapi maye ỹaanaxanaxaicpi, cam qalota co'ollaxa ca quegue naqa'en ca no'on nqa'aic, camayepi qashelectapiguiñi qome 'eeta'am na piguem, chochaq tatec qome da qashelectapiguiñi 'eeta'am ana huaqaañipi.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Mateo 5:14

Qami' nataqa'en qoñiita'am aca lcoỹaraqte nam huetalec ana 'alhua. Nataqa'en qoñiita'am ca nỹecpi maye netalec aca qaỹoqotcheguemec 'alhua, camaye 'enauac da qaila'a.

Salmos 84:7

nache namayepi nquictauec da la'añaxac, qaq da huaña ye Sión, nache nauane' Ñim Lo'onatac 'Enauacna.

Isaías 26:7

Da llecỹaxac na no'on da lataxac qalaq no'oitegue, 'Am Nataxala', 'analoqchichiguiñi da llecỹaxac namayepi.

2 Samuel 23:4

nache camaye 'eeta'am da mashe yo'oxoguet na na'a'q, qataq 'eeta'am na le'eraxa añi nala' da qui'ittom, nache ñaxat naqa'en na 'auaqpi da mashe imeueegue ca auot.›

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Da na'aqtaguec so Job 23:10

Qalaxaye Ñimaye ỹauattoota 'enauac da iqauaxac, qaq da aỹem ỹe'eguen, nache sheeta'am ca ndotec oro.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Da na'aqtaguec so Job 17:9

Nache na no'on da lataxac, saishet da ca'ai da no'on llecỹaxac, qataq na qui'itte' naua lhuaxaye nquicapeguec da la'añaxac.

Salmos 97:11

Na yo'oqchiguiñi qalaq talec ca no'on da lataxac, qataq da namaicỹaxac talec ca ỹaỹamaqchiguiñi da lquiyaqteỹaxac.

Proverbios 2:9

Huaña nache 'auaỹaten da no'oitegue lataxac, no'on nataxac, qataq qaica ca qaiỹotauga, qataq da no'on ñecỹaxac,

Proverbios 2:20

Ỹoqo'oye 'am qoquetegue qome so no'on nqa'aic, qataq 'anapaxaguena da lataxac na no'on shiỹaxaua.

Proverbios 13:9

Ca no'on da lataxac 'eeta'am ana ncoỹaraxanaxaqui da 'ettaigui, qaq na qauemaicpi qalaq 'eeta'am aca ncoỹaraxanaxaqui da 'omchigui.

Proverbios 15:24

Da llecỹaxac da nachaalataxac ca ỹaanaxanaxaic qalaq taỹasheguema na pa'asheguem, da yaqto' nca'aleeguesop aca huachiqui maye npa'aỹañi.

Jueces 5:31

¡Qaq 'era da 'eetec qom 'aulaxachigui 'am Nataxala', 'enauac na 'ampa'aguenaxauapi. Qalaxaye da la'añaxac nam 'am ỹauotec, qalaq 'ena'am na le'eraxa añi nala' da nnoxonec!» Qaq co'ollaq ime de'era, nache se'eso 'alhua huo'o da nlagaxayec inoxootrec soua cuarenta vi'iye.