Proverbios 4:14 - La'aqtaqa Ñim Lo'onatac 'Enauacna 2013

¹⁴ Saisheto' da 'auca'ategue da lqauaxac na 'etaxaloxoicpi, qataq saishet da qoquegue da qauem lataxac.

Proverbios 4:14 Referans Kwoze

Salmos 1:1

Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Proverbios 1:15

Qalaxaye 'am ỹalcolec, saishet qome da 'auca'ategue namayepi, qataq saishet da qoquegue de'era qauem nqa'aicỹaxac camayepi,

Proverbios 1:10

Na 'etaxaloxoicpi da huotaique da 'am ỹatenachet, qalaq saishet qome da 'auca'ategue, 'am ỹalcolec.

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Proverbios 9:6

Qaỹa'axañiiuec qome da qane'enaxaqui yaqto' qarca'alleeuec, qataq qoquiigue da llec da naỹaanataxanaxac.

Proverbios 4:15

'Avita'a qome da qoquegue so llec namayepi, qataq 'auỹoolec qome somaye nacherata da 'anapactalec,

Proverbios 5:8

Qaỹoqta qome 'anqa'en aca ỹaqa'a 'alo, qataq saishet da saqaỹapeque 'anqa'en ca lasom ca lma',

Proverbios 7:8

Qaq cael ivita aso lamaqai nache ỹa'axasoxoolec so nqa'aic nache ỹalamaxatteua'a so lma' asa'aso 'alo,

Proverbios 22:25

cha'aye sa iuena'a da 'aulolec da qauem lataxac, nache 'eco' maiche 'anqoviila't.

Proverbios 24:1

Saishet qome da 'auqopitta'a na qauemaicpi, qataq saishet da 'auyaqta'a da 'aualectaigui namayepi,