Proverbios 4:10 - La'aqtaqa Ñim Lo'onatac 'Enauacna 2013

¹⁰ 'Am ỹalcolec, 'ana'axaỹaxanalo qome naua ỹa'aqtaqa, qataq 'auaỹamaxatteque yaqto' nquictrauec naua vi'iye da 'anachaalataxac.

Proverbios 4:10 Referans Kwoze

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Proverbios 3:2

yaqto' qaỹoqtrec naua na'axa'te qataq naua vi'iye da 'anachaalataxac, qataq 'am nlaqchigui da 'al-lagaxayec.

Deuteronómio 6:2

Yaqto' huo'o naq 'enec qanqa'eñi Ñim Nataxala' maye Qanatamnaxala'ai qataq ỹataqta qaualaqaiguet na lamaxasoxonaxacpi, lqataxacpi maye qami' samaxaleguete yaqto' qami' qataq na qoyalquipi qataq qarhuallipi ỹataqta qaỹoqtec da nachaalataxac da netalec ye 'alhua.

Jeremías 9:20

Qami' 'alpi, ñaq qana'axaỹaxañiỹa da la'aqtac Ñim Nataxala', ñaq qana'axaỹaxañiichigui da la'aqtaxanaxac Ñimaye. Ñaq qauapaxaguiñic da nnoinaxac ana qaỹa'alepi qataq ana nauochaxauapi ỹapaxaguenec da laquicoxo, 'eeta':

Proverbios 3:16

Na aloiguishec lhuaq ỹan da logoraic achaalataxac, na ne'emaxashec lhuaq qalaq ỹan da nsallaxa qataq da ño'oxoyec.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Proverbios 8:10

Ỹataqta qauacoñeeguet qome da ỹapaxaguenataxanaxac saishet da 'eeta'am qanqa'eñi ca plata, qataq na nauattonaxanaxaco saq 'ena'ama qanqa'eñi ca oro.»

Proverbios 19:20

'Auloteguet qome ca nqataxac qataq 'auaconeguet da 'am qanlaxan, yaqto' ishet da 'avira'a da 'am ỹaanaxanaxaic.

Proverbios 2:1

'Am ỹalcolec, 'auaỹamaxatteque qome naua ỹa'aqtaqa, ỹataqta 'oxotoiguilo qome da 'antoonaxac naua ỹamaxasoxonaxaco.

Da na'aqtaguec so Job 22:22

'Aua'aqta'a qome da 'am ỹapaxaguen Ñimaye, qataq 'oxochiguilo añi 'arquiyaqte naua la'aqtaqa Ñimaye.

Deuteronómio 5:16

Qataq huo'o naq 'enec 'anqa'en ca 'arta'a, qataq aca 'arate'e, cha'aye nachera da 'am ỹamaxalec Ñim Nataxala' maye 'Anatamnaxala', yaqto' qaỹoqtec da 'anachaalataxac da qonetalec ye 'alhua maye 'am ỹanem qome Ñimaye.

Deuteronómio 11:21

yaqto' qaỹoqtec da qanachaalataxaqui qataq ca qaỹa'alquipi, 'eeta'am da 'eetec na piguem da qaica ca loga't da qoñiitalec yi'iye 'alhua, maye Ñim Nataxala' ỹachaxanapecot co'ollaxa da ỹanem so hua'au qarta'ailpi.