Proverbios 4:1 - La'aqtaqa Ñim Lo'onatac 'Enauacna 2013

¹ Qami' ñalaqpi, ỹataqta qana'axaỹaxañiỹalo qome naua lapaxaguenataxanaxaco ca qarta'ai, qataq qaloitegueta yaqto' qauauattoñi da naỹaanataxanaxac.

Proverbios 4:1 Referans Kwoze

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

Salmos 34:11

Ña qauanaqui qami' ỹalaqpi, ñaq aỹem qana'axaỹaxañiỹa, nache qami' sapaxagueneque da huo'o naq 'enec qanqa'eñi Ñim Nataxala'.

Proverbios 1:8

'Am ỹalcolec, ỹataqta 'ana'axaỹaxana qome ca lqataxac ca 'arta'a, qataq saishet da qoca'ai ca lapaxaguenataxanaxac aca 'arate'e,

Proverbios 22:17

Ỹataqta 'ana'axaỹaxanalo qome naua la'aqtaqa na ỹaanaxanaxaicpi, qataq 'aulotelec de'era 'am sapaxaguenec.

Proverbios 5:1

'Am ỹalec, 'alotelec qome da ỹaỹaanec, qataq 'ana'axaỹaxanalo naua ỹaỹaanataxanaxaco.

Proverbios 19:20

'Auloteguet qome ca nqataxac qataq 'auaconeguet da 'am qanlaxan, yaqto' ishet da 'avira'a da 'am ỹaanaxanaxaic.

Proverbios 7:4

'Eeta'am aca 'arqaỹa 'anqa'en de'era naỹaanec, qataq 'eeta'am 'anqa'en aca 'anauochaxaua de'era naỹaanataxanaxac.

Proverbios 1:2

naamaye qoỹilyiñi da yaqto': Qaỹa'axat da llec da naỹaanec, qataq naua napaxaguenataxanaxaco, yaqto' qaỹaỹateeteguelo naua na'aqtaqa maye ỹataqta huo'oi naua naiguilo,

Jeremías 35:8

Nache qomi' salaxasoxolec 'enauac nam qomi' ỹamaxaleguete som sachegoxosoxoguet Jonadab, nache qomi' qataq ana qarhuapi qataq na qochalaqpi saishet da ñeỹomaxagui na lataxa,

Génesis 49:2

Qanquiquiiuo da qana'axaỹaxañi qami', Jacob llalqa, ñaq qana'axaỹaxañiỹa na qarta'ai Israel.

Proverbios 13:1

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.