Proverbios 30:8 - La'aqtaqa Ñim Lo'onatac 'Enauacna 2013

⁸ Ña qaỹoqteuga qome 'anqa'en da sheeta, na saq 'en lataxac qataq na natenataxanaxac, qataq saishet da aỹem sallaxanec 'anqa'en, qataq saishet da ỹoqta aỹem choxoraq 'anqa'en, nacherato' da aỹem 'aỹa'anem qome ca anoq maye ỹoqta seuen ye na'a'q,

Proverbios 30:8 Referans Kwoze

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Lucas 11:3

Ñaq qomi' 'aỹa'anema na na'a'q cam sacheguenaq maye seuenaqtac.

Salmos 119:37

Qataq saishet da aỹem 'auashenem da selogui ca qaica ca naigui, qataq aỹem 'aỹa'anem da ica'alaxa yaqto' shectegue so 'anqa'aic.

Salmos 119:29

Qataq aỹem 'eltaxaneguet qome na llecpi da natenataxanaxac, nache aỹem 'anqouaguec da aỹem 'auapaxaguenec na 'arqataxacpi.

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Proverbios 21:6

Da nsallaxa maye qaỹachegoxotaigui da natenataxanaxac, damaye saqaỹauec qataq imeuo naqa'en ca nmitta'a da nleuaxa.

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Proverbios 22:8

Ca ỹaañi ca qauem qalaq maiche nqat ca chegaqaigui camaye, nache Ñim Nataxala' irolec ca maiche lhuaxanaxanaxat da nlaxaañi camaye.

2 Reyes 25:30

Qataq nache 'enauac de'era nachaalataxac so Joaquín, da so nta'a ye Babilonia, ỹaata'am ana alom ye na'a'q da yaqto' lasheue naqa'en na lhuenecpi somaye.

Éxodo 16:35

Huaña, nache so Israel le'ecpi chectac aso maná choche ivittraue'c soua cuarenta vi'iye, choche ivitta'a co'ollaq somayepi ivita ye 'alhua maye mashe qanayeetalec. Qaq 'era da 'eetec somayepi co'ollaq chectac aso maná, choche ivittaua'a so loigue ye 'alhua Canaán.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Isaías 5:18

¡Choxoraxaso' nam nỹoqtala't na qauem, souaxat da latenataxanaxac nache ỹauecta'aguet na lasouaxashetpi 'eeta'am ca ỹauecta'aguet aca naigona!

Eclesiastés 1:2

¡Qaica ca naigui, qaica ca naigui 'enapec som 'aqtaxanaxaic! ¡'Enauac nam huo'o qaica ca naigui!

Éxodo 16:18

Qaq ivi' dos kilos na ỹacootaua'a ñi 'oonolec, ỹaconeua'a yem lcata ye iuen da chec. Qalaxaye saishet da huo'o ca lli'iỹoxot nam ỹactec na ỹacona, qataq saishet da huo'o ca iueetac nam saq 'amaqtaq na ỹacona.

Éxodo 16:15

Qaq co'ollaq ila'a so Israel le'ecpi, nache nnattega't, 'eeta': ¿Negue't ana'ana? Cha'aye saishet da ỹauatton. Qalaxaye so Moisés 'enapeco': «Nachena na nallec maye qami' ỹanema Ñim Nataxala', da yaqto' qollequi.»

Jeremías 52:34

Qataq nataqa'en 'enauaque naua na'axa'te da nachaalataxac, nache choche ivitta'a so na'a'q co'ollaq ileu so Joaquín, da somaye ỹacootapeguet aso ntaunaqte ye na'a'q, maye chegoqtecot so nta'a ye Babilonia.

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Proverbios 23:5

Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Éxodo 16:29

Ña qauloỹa'a ctaxa da Aỹem maye Aỹem Nataxala', qami' sanema ye 'oonolec na'a'q da mataxaqui, qaq ỹoqo'oye da inoxoorec naua seis na'axa'te, nache nalaiguilo naua dos na'axa'te na qami' sanema na nallec. Qaq ỹoqo'oye ye na'a'q mataxaqui, nache ñi 'oonolec da qoñiita saishet qome da iraxan ca lma', qataq saishet da huo'o ca taigue.»

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Juan 2:8

Nache So Jesús qataq 'enapegalo soomaye, 'eeta': –Nagui, nache huo'o ca qanqacheesheguem na 'etaxat. Ime, nache qaroiua'a ñim ilotague' ne'ena naronaxac, yaqto' ỹe'eguen. Nache soomaye ỹo'o't da 'enapec So Jesús.

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Proverbios 30:7

'Am maye 'Aro'onatac 'Enauacna dos naua seỹaxaneua'alo da aỹem 'aỹa'anema, saishet da aỹem 'aullapeguema nagui da ñaq saxanaxa da seleu naamaye:

Proverbios 13:5

Ca no'on da lataxac saisheteguet ca natenataxanaxac, qaq ca qauemaic qalaq ỹo'ot da na'agaxa qataq qauem da na'aqtaguec.