Proverbios 30:5 - La'aqtaqa Ñim Lo'onatac 'Enauacna 2013

⁵ Ñim Nataxala' ỹataqta mpaxattalec ca pi'iỹa'a Ñimaye, qataq 'enauac na la'aqtacpi ỹataqta ỹo'ot da qaỹa'amaqten.

Proverbios 30:5 Referans Kwoze

Salmos 18:30

Da nqa'aicỹaxac Ñim Lo'onatac 'Enauacna ỹataqta ỹaỹamaqchiguiñi, qataq naua ỹachaxana'ape Ñim Nataxala' ỹo'o't da aquitaxac, Ñim Lo'onatac 'Enauacna mpaxattalec nam ỹataqta pi'iỹa'a Ñimaye.

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Salmos 12:6

Naua la'aqtaqa Ñim Nataxala' ỹataqta qui'itte', 'eeta'ama na ỹataqta no'on nda'a't lcat plata, maye siete da qaỹe'eguelaxaalec da qanqatel da yaqto' qui'itta.

Salmos 3:3

Qalaxaye 'Am Nataxala', qoneta'am aca npaqtaxanaqte da aỹem 'ampaxattalec, qataq nache 'am da 'auo'ot da ỹo'oxoyec, qataq nache 'am da aỹem 'aua'añaqchettac.

Salmos 119:140

Naua 'ara'aqtaqa ỹataqta qui'itte', ỹoqo'oye ne'ena 'aramaxashec ỹataqta ỹauoteque.

Salmos 91:2

Qaq camaye da detaxaỹa Ñim Nataxala', nache 'eeta': «'Am, nache 'am ñaquitaxac, qataq 'am ỹe'eguenaxala', 'Am Ñatamnaxala', maye sepe'etega.»

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Romanos 7:12

Qalaxaye nache 'ena'am da shenaqapec da ne'ena namaxasoxonaxacpi chegoqtot Ñim Lo'onatac 'Enauacna. Qaq ỹoqo'oye ñi 'oonolec nam lamaxasoxonaxacpi ỹataqta 'onaxaic qataq nalochiguiñi.

Salmos 144:2

Ñimaye aỹem ỹauotec, qataq aỹem mpaxattalec, Ñim qaỹoqotcheguema ñeqañoxotaqa' maye aỹem huesochiguiñi naqa'en. Ñim ipaqtaxanaxat maye aỹem mpaxattalec, Ñim aỹem ỹanem da ỹa'añaxac da selotague' na ihuo' le'ecpi.

Salmos 19:8

Na lqataxacpi Ñim Nataxala' ỹataqta no'oitegue, cha'aye ỹauo'o da ntonaxac aca nquiyaqte. Qataq naua lamaxasoxonaxaco Ñim Nataxala' ỹataqta qui'itte', qataq ỹataqta nauaachiyiñi naqa'en naua na'ai'te.

2 Samuel 22:31

«Da nqa'aicỹaxac Ñim Lo'onatac 'Enauacna, ỹataqta nalochiguiñi; qataq naua ỹa'n la'aqtaqa, ỹataqta qaipi'iỹa'alo. Qataq mpaxaalec ca ỹe'eguenot Ñimaye.

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Proverbios 2:7

Ñimaye itauan qataq ntela'a ca ỹaỹamaqchiguiñi da lataxac qataq ca qaica ca ỹasouaxat,

Salmos 18:31

¿Negue'tom ca lỹa Lo'onatac 'Enauacna ye nacheñita Ñimaye? Qataq ¿negue'tom ca lỹa qaramta ye nacheñita Ñim Qanatamnaxala'?

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.